Posts Tagged 'Elsa Mardian'

Pituah

Kato abak, kato amak
Kato uni baitu juo
Kato etek, kato mamak
Kato uda yo samo sajo

Anak gadih rambang mato
Badan habih iduik binaso
Anak gadih rambang mato
Badan habih iduik binaso

Kato rang tuo-tuo
Jikok lai dituruikkan
Cari nan bapahalo
Salamaik badan

Kato inyiak, kato ayek
Kato amai baitu pulo
Kato uwaik, kato uwo
Kato buya yo samo sajo

Jikok iduik tak sumbayang
Hati kusuik pangana hilang
Jikok iduik tak sumbayang
Hati kusuik pangana hilang

[kembali ke atas]

(Ciptaan (?), Dipopulerkan oleh Elsa Mardian)
©ourtesy of https://laguminanglamo.wordpress.com/

Basiginyang (Elsa Mardian)

Kanduang den sibiran tulang
Manga adiak basiginyang
Bak kato cinto jo sayang
Lah dakek adiak maranggang

Bukan den manjua maha
Uda nan suko mahago
Hati den lah arok bana
Manga digantuang-gantuang juo

Bukan den mambari harok
Hiduik nan kumari tangguang
Bak buruang nan patah sayok
Jo apo adiak den gungguang

Kok hati lah samo cinto
Kayo bansaik jan pikiakan
Tagakkan hiduik baduo
Sadang samuik lai makan

(Ciptaan (?), Dipopulerkan oleh Elsa Mardian dan Yan Bastian)
©ourtesy of https://laguminanglamo.wordpress.com/

Baranak Bijak

Eca oi …
Dangalah pituah mande
Anak gadih jan pamurah
Barang nan rancak maha haragonyo
Mamiliah jodoh jan salah
Bia lah buruak banyak pitihnyo

Eca oi …
Danga pulo pituah ayah
Anak gadih jan pancacek
Urang pancacek busuak hatinyo
Mamiliah jodoh jan sasek
Bialah bansaik elok hatinyo

Oi ayah jo mande kanduang
Tampek kasih cinto tapauik
Ayah jo mande solang manyolang
Antah nama ka Eca turuik

Pado bacakak abak jo amak
Elok Eca di tangah tagak
Jodoh katuju bantuaknyo rancak
Pitihnyo nan sagarobak

Tabedo …
Yo tabedo baranak bijak

Baburu ka Padang Data
Yo dapek ruso nan balang kaki
Ayah jo mande kok batangka
Anak mancari jalan sandiri

(Ciptaan (?), Dipopulerkan oleh Elsa Mardian, Sumbangan lirik oleh Ijoenk dan Inyiak Darwas Ibrahim)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 268 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,905,144 orang

%d bloggers like this: