Posts Tagged 'Endang S Taurina'

Garangnyo Manusia

Rantiang jo dahan takulai gontai
Di batangnyo …
Daun lah mati baserak-serak
Di bawahnyo …

Kicau buruang nan lah hilang
Bumi lah langang, iyo langang …
Tanai dipijak maratok bumi lupo jo rimbo
Itu pangka bancano …

Di musim kamarau paneh garang
Bumi raso tapanggang
Kok dimusim hujan aia pasang
Bumi jadi lautan, ondeh …

Urang lupo jo daratan
Bancano nan ka dihadang
Rantiang mati tapanggang
Batang tandeh ditabang
Musibahpun datang

[kembali ke atas]

(Ciptaan A.Riyanto, Dipopulerkan oleh Endang S. Taurina)
©ourtesy of https://laguminanglamo.wordpress.com/

Hujan Lah Turun Pulo

Hujan hujan lah turun pulo
Dingin taraso ka dalam dado
Banta jo guliang bakapik juo

Sudahlah dingin badan sabatang
Rindu hati den surang
Uda dinanti tak kunjuang datang

Denai dimabuak surang
Dingin dingin dingin

Tabayang kisah kito nan lamo
Garah jo cakak kito baduo
Yo hujan labek mamadu cinto

Maso batuka musim baganti
Kisah bak cando mimpi
Rindu manyeso di dalam hati

Bapisah kito kini
Dingin dingin dingin

Reff:

Kilek langik patuih babunyi
Tasintak den dalam mimpi
Oi malang sadang disayang den ditinggakan

Lapeh tali nan lah tajalin
Kawan madok ka urang lain
Bintang hilang hujan nan datang

Hitam batambah hitam
Oi malang sudah kalam ditimpo hujan
Dingin jo dingin laruik ka tulang

Nan bedo dimabuak surang
Ohoi mato lalok tak namuah
Ohoi angan malayang jauah

Hujan hujan camehnyo hati
Lai den tau dimanyo kini
Lah jaleh kawan mungkia jo janji
Bapisah malah kasudahannyo

Linang tangih di pipi
Luko manyeso di dalam hati
Hujan bilo kabaranti
Dingin dingin dingin

(Ciptaan Chilung Ramali, Dipopulerkan pertama kali oleh Endang S Taurina, Dibawakan ulang oleh Yen Rustam, Sumbangan Lirik oleh Arlen Ara Guci)
©ourtesy of https://laguminanglamo.wordpress.com/

Hiduik di Rantau Subarang

Tapana hati di pasia putiah, lamunan tinggi ka langik
Sasayuik mato mamandang, lautan laweh mambantang
Jauah di kaki langik, oi di baliak awan
Di sinan den di lahiakan, di manjo yo di sayang

Tangiang juo yo di talingo carito nan den dangakan
Hiduik di nagari urang nan bagalimang cahayo
Mangko den marantau, oi tinggalah kampuang
Tagadai sawah jo ladang baka di rantau urang

Tingga kulik pambaluik tulang
Badan kuruih rasaki malang
Dapek pagi habihnyo patang

Sakik sakiklah surang
Imbau imbau tido nan datang
Badan sansai tingga sabatang

Hiduik di rantau urang malang di runduang malang
Hiduik di rantau subarang

(Ciptaan Chilung Ramali, Pertama kali didendangkan Jamal Mirdad, lalu dibawakan ulang oleh Endang S Taurina, Lily Marlene, Yen Rustam, Sumbangan Lirik oleh Arlen Ara Guci)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 265 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,668,008 orang

%d bloggers like this: