Posts Tagged 'Eva Noerdin'

Salawaik Dulang

O .. dangalah
Salawaik dulang
Dunia Rang Solok
Tuo jo mudo, tuo jo mudo

Bujang jo gadih
Tuo jo mudo
Baralah sorak
Nan jo sorainyo

O .. dangalah
Salawaik dulang
Dunia Rang Solok
Tuo jo mudo, tuo jo mudo

[kembali ke atas]

(Ciptaan (?), Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/

Rindu Kampuang

Baok pulang, denai taragak pulang
Japuik denai, lah rindu ka pulang
Tapian nan den cinto, tampek den bakacimpuang
Sawah ladang tampek bausaho

Ranah Minang tampek denai digadangkan
Kampuang halaman nan denai cinto
Kini lah den cubo marantau ka Jao
Ranah Minang oi takana juo …

Elok pulang cangkua sawah ladang
Bakumpua kito bangun nagari

Baok pulang, denai taragak pulang
Japuik denai, lah rindu ka pulang
Tapian nan den cinto, tampek den bakacimpuang
Sawah ladang tampek bausaho

Ranah Minang tampek denai digadangkan
Kampuang halaman nan denai cinto …

(Ciptaan (?), Dipopulerkan oleh Eva Noerdin)
©ourtesy of https://laguminanglamo.wordpress.com/

Balam Tigo Gayo

Ondeh …
Lah tamanuang tukang pikek, dirayu balam tigo gayo …
Sadang tadanga babunyi di dalam tanah
Lah didendang bakulik ateh udaro
Kini di pucuak hati tadanga pulo

Ondeh …
Mabuak dirayu buruang balam tigo gayo …
Tabang maraok lah jaleh buruang ka hinggok
Takuik ka lapeh dek ulah salah garogok
Talampau arok salah cokok tabang pulo

Indak usah yo uda taburu-buru
Lambek lago yo uda ka manang juo
Ondeh uda basaba malah dahulu
Jikok jodoh yo uda indak kamano – 2x

(Ciptaan Syahrul Tarun Yusuf, Dipopulerkan oleh Eva Noerdin)
©ourtesy of https://laguminanglamo.wordpress.com/

Antok Antokan

Abak jo Amak manga kok antok-antokan
Nan surang lah maranguik, nan ciek manggajimbok
Sia nan salah sabuik atau nan salah takok

Ayah si Eva pangka balanyo
Pagi pai barangkek mangakunyo karajo
Pulang taruih talambek, malam barunyo tibo

Reff:

Mangkonyo denai talambek pulang
Karajo lembur dicubo bak cando urang
Dek amak Eva balanjo gadang
Tapaso ayah juo nan mambantiang tulang

Abak jo Amak mangkonyo jan buruak sangko
Nan surang dek sayangnyo, nan ciek dek cintonyo
Nak rukun rumah tanggo, samo-samo picayo

(Ciptaan Nazif Basir, Dipopulerkan oleh Eva Noerdin, Elly Kasim dan Nuskan Syarief 1974)
©ourtesy of https://laguminanglamo.wordpress.com/

Aua Baduri

Ka lurah Kampuang Bateh
Mancari aua baduri
Buah lah nyato jatuah ka ateh
Manga ka bawah tuan cari
Balam di tangan lah tuan lapeh
Arok jo buruang tabang tinggi

Dari Tarok ka Tigobaleh
Simpang Aua ka Sungai Tanang
Usah diharok buruang lapeh
Inyo basayok pandai tabang
Jikok bumi lai ka babaleh
Indak nan buruak ka tabuang

(Ciptaan Suryaman Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/

A Juo Lai

Anak dewa mamaluik tabang
Manangih jauah samakin jauah
Ditangisi ditangisi untuang nan malang
Adiak kanduang adiak kanduang urang lah tahu

Ondeh …
A juo lai… a juo lai… nan ka dinanti
A juo lai… a juo lai… inyo lah pai
A juo lai… a juo lai… nan ka dinanti
A juo lai… a juo lai… inyo lah pai

Lah dapek suluah nan jo sulo
Dima hati, dima hati indak ka ibo
Dek lah salah, dek lah salah ulah bacinto

Ondeh …
A juo lai… a juo lai… nan ka dinanti
A juo lai… a juo lai… inyo lah pai
A juo lai… a juo lai… nan ka dinanti
A juo lai… a juo lai… inyo lah pai

(Ciptaan Suryaman , Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/

Urang Rantau

Minang maimbau, maimbau pulang
Pulang ka kampuang, kampuang halaman
Gunuang Singgalang tagak manjulang
Maimbau imbau urang di rantau

Urang rantau lakehlah pulang
Lah taragak urang di kampuang
Jan lamo-lamo di rantau urang
Dangakanlah Minang maimbau

Minang maimbau, maimbau pulang
Pulang ka kampuang, kampuang halaman

Urang rantau lakehlah pulang
Lah taragak urang di kampuang
Jan lamo-lamo di rantau urang
Dangakanlah minang maimbau

Minang maimbau, maimbau pulang
Pulang ka kampuang, kampuang halaman

(Ciptaan Sjamsi/Hakim, Dipopulerkan oleh Eva Noerdin, Sumbangan lirik oleh Ijoenk)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 265 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,668,008 orang

%d bloggers like this: