Posts Tagged 'Juni Amir'

Pitaruah Mamak

Di Padangpanjang adaik turunnyo
Sampai ka ranah yo sanak di Pagaruyuang
Adaik jo sarak bapilin tigo
Pusako dari yo sanak yo Bundo Kanduang

Aia lah Haji, Banda Sapuluah
Sampai ka ombak nan badabua
Adaik usali usahlah runtuah
Oi .. anak Rang Minang, paciklah taguah

Gunuang Marapi jo Gunuang Singgalang
Cukuik katigo yo sanak jo Gunuang Sago
Adaik jo sarak jikok nyo hilang
Gadang lah sasanyo yo sanak dek mamak kito

Aia lah Haji, Banda Sapuluah
Sampai ka ombak nan badabua
Adaik usali usahlah runtuah
Oi .. anak Rang Minang, paciklah taguah

(Ciptaan (?), Dipopulerkan oleh Elly Kasim dan Juni Amir, 1970an)
©ourtesy of https://laguminanglamo.wordpress.com/

Oi Kampuang

Oi kampuang nan jauah dimato …

Oi kampuang, kampuang nan jauah, jauah lah dari mato
Oi kampuang, kampuang nan jauah, jauah lah dari mato
Ba bukik ba Gunuang Marapi, Singgalang, Kurinci
Ba Aia Mancua ba Danau Singkarak jo Maninjau

Oi kampuang nan jauah di mato
Si upiak takana lah juo

Oi takana, takana jo kawan-kawan nan lamo
Oi takana, takana jo kawan-kawan nan lamo
Sangkek den basuliang-suliang karajo sampai lah sanjo
Takana ayah induak sanak adiak malah kasadonyo

Oi kampuang nan jauah di mato
Si upiak takana lah juo …

Rang kampuang yo, rang kampuang yo banyak nan elok-elok
Rang kampuang yo, rang kampuang yo banyak nan elok-elok
Tuo mudo gadih jo bujang bagotong royong
Sakik sanang samo-samo rato marasokan

Oi kampuang nan jauah di mato
Si upiak takana lah juo …

(Ciptaan Asbon Madjid, Dipopulerkan oleh Juni Amir – Orkes Gumarang)
©ourtesy of https://laguminanglamo.wordpress.com/

Ka Batang Arau

Takuik den gonceng jo uda (hmm)
Kok tampak dek rang nan punyo
Kok mogok vespa di jalan
Apo pulo ka dayo kito

Jan takuik pai jo uda diak
Rang nan punyo den goncengkan (haa?)
Vespa baru indak ka mogok
Mari diak marilah sayang

Takuik …
Takuik ?

Reff:

Adiak surang den baok ka sarugo
Apo kato urang beko, mancaliak kito baduo

Marilah marilah sayang
Jan takuik jo kecek orang
Barangkek dari pagi manuju ka Batang Arau
Lalala lala la lalalalala, lalala lalala lala …

(Ciptaan (?), Dipopulerkan oleh Elly Kasim dan Juni Amir)
©ourtesy of https://laguminanglamo.wordpress.com/

Bananti di Pusaro

Bialah tuan lapeh ka urang
Indak dapek ka junjuangan
Cinto den ndak bakurang
Tuan taruih tabayang-bayang

Barasian denai tadi malam
Raso basuo jo tuan sayang
Oh cinto den baok mati
Bia den nanti tuan di pusaro


[Narasi]
Manolah adiak balahan diri
Adiak kanduang balaian sayang
Ragukanlah bumi baputa
Tapi cinto denai, usah lah ragu sayang

Barasian denai tadi malam
Raso basuo jo tuan sayang
Oh cinto den baok mati
Bia den nanti tuan di pusaro – 2x

(Ciptaan Masroel Mamudja, Dipopulerkan oleh Elly Kasim dan Juni Amir 1970, Sumbangan lirik oleh Afrienda Mamudja)
©ourtesy of https://laguminanglamo.wordpress.com/

Es Kuncang

Takato sajak jaman Ulando
Es kuncang Udo di Kampuang Jao
Di hari paneh galeh balabo
Kok hujan tibo tauncang pulo

Reff:

Urang bagalau di tangah balai
Hari paneh kariang rangkuangan
Labo jo rugi indak bacarai
Anak batujuah ka dicarikan

Bujang mahago ceke sauaknyo
Gadih mambali panuah galehnyo
Lupolah Udo mangaja labo
Dihetong pokok indak basuo

(Ciptaan (?), Dipopulerkan oleh Elly Kasim dan Juni Amir, Sumbangan Lirik oleh Inyiak Darwas Ibrahim)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 267 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,796,419 orang

%d bloggers like this: