Posts Tagged 'Lily Syarief'

Kaki Limo (Carano)

Ton tong tong peti kosong
Jikok digua bunyi tak tontong
Mo mo mo kaki limo
Buruak untuangnyo

Disuruah bali toko
Sapetak baju maha haragonyo
Jo apo kadiabayia
Pitih tak ado

Cando iko lah nasibnyo rang kaki limo – 2x

Sadang manggaleh panggusuran lah tibo pulo
Anak den banyak sikolahnyo lah taniayo
Sia kok tahu Isuak hari elok nasibnyo
Ganti pamimpin nan kini lah baransua tuo

(Ciptaan (?), Dipopulerkan oleh Lily Syarief, Carano’s Band, Sumbangan lirik oleh Ijoenk)
©ourtesy of https://laguminanglamo.wordpress.com/

Pituah Lamo

Basimpang jalan kito barampek
Batamu kito nak lah baduo
Jan lah kito suko maupek
Nan manyasa kito basamo

Reff:

Kaluak paku kacang balimbiang
Tampuruang lenggang lenggangkan
Anak dipangku kamanakan dibimbiang
Urang kampuang dipatenggangkan

Jan lah suruik mandanga iko
Buah kalam nan manyurek
Elok didangakan pituah lamo
Buliah awak indak manyasa nantik

Yo lah, yo lah pituah lamo
Yo lah, yo lah baitu pituah lamo

(Ciptaan (?), Dipopulerkan oleh Lily Syarief)
©ourtesy of https://laguminanglamo.wordpress.com/

Liku Hiduik

Bamain kito basamo
Manari kito sampak piriang
Jan lah lupo jo nan lamo
Kok basuo jo nan baru

Hari lah sanjo tando malam
Sairiang awak ka tapian
Kaiah awak tulih jo kalam
Paubek nantik pangabisan

Reff:

Jan lah awak babusuang dado
Yo lah buruak kasudahannyo
Awak dibanci urang banyak
Manyasa nantik di dunia

Cabiak-cabiak kain dipakai
Indak hati nan disangko
Caliak-caliak nan dipiliah
Jan manyasa awak nantik

(Ciptaan (?), Dipopulerkan oleh Lily Syarief)
©ourtesy of https://laguminanglamo.wordpress.com/

Lapehlah Denai

Taguliciak tagurajai
Talopoh juo moh kironyo
Tasangkuik bujang di rantau
Dek di kampuang malapeh hao

Reff:

Mandeh … jan nyo den mandeh …
Ampun den pinto ka bundo kanduang
Bukan den lupo pituah mandeh …
Suratan tangan mambaok untuang

Lapeh mandeh bujang tabuang
Lieklah bulan jikok takana
Bukan mambuang lamak ka urang
Urang di kampuang pamiliah bana

Lapehlah … e lapehlah lapeh juo
Kini badan denai

(Ciptaan (?), Dipopulerkan oleh Lily Syarief)
©ourtesy of https://laguminanglamo.wordpress.com/

Paruntuangan

Yo lah sansai … badan diri
Sadang malaraik ditinggakan
Yo lah luluah jantuang hati
Luluah tak dapek dikatokan

Sampai lah hati urang nan pai
Tinggakan denai jo parasaian
Apo kan dayo badan den kini
Kasiah di tangan dirangguikkan

Ondeh nasib, ondeh lah untuang
Ratok jo tangih ka sia dikadukan
Sapanjang hari denai tangguangkan
Antah lah pabilo ka tibo gantinyo

Ondeh … nasib den

(Ciptaan (?), Dipopulerkan oleh Lily Syarief)
©ourtesy of https://laguminanglamo.wordpress.com/

Oto Pelita

Tasabuik Oto Pelita
Pelita oto Rang Lintau
Tiok hari oto manambang
Pulang baliak ka Koto Padang
Tiok hari oto manambang
Pulang baliak ka Koto Padang

Marantau denai di Jakarta
Hati ibo kampuang maimbau
Manangih denai cik nanak pulang
Lauiktan nan indak taranang
Manangih denai cik nanak pulang
Lauiktan nan indak taranang

Reff:

Oto Pelita jikok mandi
Nan di tapi tabek gadang
Dima hati indak manangih
Marasai badan nan di rantau

Lah tadanga di pagi buto
Pelita mandaru-daru
Dima hati indak ka ibo
Badan sansai kama mangadu
Dima hati indak ka ibo
Badan sansai kama mangadu

(Ciptaan (?), Dipopulerkan oleh Lily Syarief)
©ourtesy of https://laguminanglamo.wordpress.com/

Jauahlah Kini

Lah jauah denai kini
Jauah ka kampuang sanak pun juo
Tinggalah denai di rantau urang
Panuah liku jo parasaian

Reff:

Pasan rang tuo taruih dikana
Dima denai tiok baranjak
Jauah-jauah di subarang kini
Mambaok bingkai nan lah usang

Bialah denai mancubo hiduik
Baitu juo kasudahannyo
Jauah sanak, jauah sudaro
Untuang parasaian ka dicubo

[Narasi]
Jauah yo jauah
Jauah kini yo lah sanak
Takana juo

(Ciptaan (?), Dipopulerkan oleh Lily Syarief dan Efrinon)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Pengunjung Terbaru

nure on Badindin
nure on Badindin
saidi faiz on Pulang Marantau
hatta on Ayam den Lapeh
updateku on Lompong Sagu
ZUL on Kaparinyo
Rahmadina.s on Anak Sipasan
rendihidayatmath on Kasiak Tujuah Muaro

Lokasi Pengunjung

MARAWA

Dikunjungi

  • 6,578,529 orang

%d bloggers like this: