Posts Tagged 'Nurseha'

Maninjau Indah

Da kamarilah, mari kito bajalan
Naiak oto jo bendi, sarato bajalan kaki
Mandi lah mandi ka Maninjau indah
Baringinnyo lah gadang, ureknyo panjang tajuntai

Mamanjek baringin gadang
Malompek ka aia janiah
Pulanglah oi anak dagang
Di rantau badan kok jariah

Kok sampai lah cito kito
Kabau sikua ka rabah juo
Baitulah niaik kito
Imbau kawan sanak sudaro

[kembali ke atas]

(Ciptaan Masroel Mamudja, Dipopulerkan oleh Nurseha 1970-an kemudian oleh Upik Saunang 1980-an)
©ourtesy of https://laguminanglamo.wordpress.com/

Advertisements

Titian Nan Lapuak

(Versi Nurseha dan Syaiful Nawas)

Marilah kito … basamo-samo …
Sambia banyanyi … mariangkan hati …

Nak urang Padang mandi di Muaro
Rami jo galak mancuci kain
Adiak dipandang batambah cayo
Raso nan indak pado nan lain

Ka Pasa Usang manjua manggih
Manggih batimbun dakek parigi
Banyaklah urang bamuluik manih
Sabalun dapek kandak di hati

Bariak aia tapi muaro
Riak dek anak mandi basamo
Kalaulah adiak indak pacayo
Hilang lah bulan hilang lah nyao

Ka Koto Tuo jalan mandaki
Rami didaki dek urang Baso
Indaklah elok kato bajanji
Mungkia lah janji badan binaso

Gunuang Marapi Gunuang Singgalang
Urang Suliki ka Padang Panjang
Kalau baitu wahai diak sayang
Alamaik denai ka mabuak surang

Baliku-liku jalan Kurinci
Baranti kito dakek parigi
Kalau baitu karehnyo hati
Marilah kito mangikek janji – 2x

Versi Elly Kasim

Gadih Tarana

[Versi Nurseha]

Lah tadanga …
Lah tadanga ganto padati nan dari tanjuang
Bangek lah turun, bangek lah turun
Gadih nan di anjuang, gadih tarana …

Alah tagerai …
Tagerai cando rambuik nan panjang
Manantikan bujang di laman rumah gadang
Manantikan bujang di laman rumah gadang

Duduak bacamin …
Duduak bacamin mamandang rupo, gadih tarana …
Bakilek cando intan baiduri pamenan jari, gadih tarana …

Alah tagerai …
Tagerai cando rambuik nan panjang
Manantikan bujang di laman rumah gadang
Manantikan bujang di laman rumah gadang

Versi Oslan Husein klik di sini

Denai Nak Kawin

Oi One, denai yo nak kawin
Kawin jo sia nak?
Jo si ana boco
Oi One, denai nan nyo harok

Si ana boco urang nan suko palalok
Bukannyo semok tapi mukonyo nan sambok

Oi One, ado calon lain
Sia urangnyo?
Si minah sayang
Oi One, capek lah dipinang

Padusi lala indak katuju dek mandeh
Gadih pagunjiang tasabuik muncuangnyo cipeh

Reff:

Siang denai basitungkin
Lah malam taraso dingin
Denai yo nak kawin …

Oi One, denai nak babini
Babini jo sia yuang?
Tasarah dek one

Nak daro jodoh marapulai
Alah mambali yo manang pulo mamakai
Gadih babudi yo kito samo sasuai

(Ciptaan (?), Dipopulerkan oleh Oslan Husein dan Nurseha)
©ourtesy of https://laguminanglamo.wordpress.com/

Babini Duo

Oi uda sayang
Cubo uda kecekkan
Sia nan labiah rancak
Ambo apo bini nan tuo

Oi tuan ambo
Cubo tuan katokan
Sia nan labiah rancak
Aden apo bini nan mudo

Baa ko kini
Manga itu nan ditanyokan
Baa ko kini
Ciek kamek surangnyo manih

Oi upiak gata
Urang ndak tau diri
Kok indak laki aden
Sampai gaek indak balaki

Oi uni tuo
Usah salah tarimo
Indak ambo nan gata
Laki uni gilo mangaja

Yo alah sansai
Iko untuang badan den kini
Yo alah sansai
Tibo di rumah parang manjadi

Induak bareh kaduonyo
Kamari uda katokan
Kaduonyo samo dicinto
Uda bagi yo samo rato

Baa ko kini
Nan ka lamak dek uda
Baa ko kini
Nak samo sanang hati kami

Oi sayang kaduonyo
Usah bacakak juo
Sapakan di nan mudo
Saminggu di nan tuo

Iyo iyo iyo
Kok itu putusan tuan
Kami alah badamai
Lah dapek kato sasuai

Iyo iyo iyo
Sananglah hati den kiniko
Iyo iyo iyo
Batigo kito pulang basamo
Iyo iyo iyo
Batigo kito pulang basamo

(Ciptaan Helmy Saleh, Dipopulerkan oleh Syaiful Nawas, Elly Kasim dan Nurseha)
©ourtesy of https://laguminanglamo.wordpress.com/

Imbauan Kampuang

Badabua ombak Pantai Padang
Mahampeh nan di ateh karang – 2x
Badasia angin bahambuih tanang
Saraso maimbau den pulang – 2x

Lah den cubo yo den cubo
Mambao pulang lah untuang badan
Kironyo sansai yo sansai
Denai tangguangkan, yo denai tangguangkan

Bia baa denai di rantau
Balunlah denai babaliak pulang

Manangih badan denai di rantau
Takana kampuang jo halaman – 2x

(Ciptaan Helmy Saleh, Dipopulerkan oleh Nurseha)
©ourtesy of https://laguminanglamo.wordpress.com/

Danau Maninjau

[Versi Nurseha]

Maliek danau di hari sanjo
Antah Maninjau pandai mandayu
Sansailah badan kok takana bundo
Raso basuo jo mandeh kanduang mak ei

Mandeh oh mandeh
Badan den lah ka sansai

Reff:

Tabayang jo mandeh kanduang
Sadang mancuci kain, ndeh basimpuah di batu gadang
Tabayang jo mandeh kanduang
Sadang mancuci kain, ndeh basimpuah di batu gadang

[Versi Lengkap]

Maliek danau di hari sanjo
Antah Maninjau pandai mandayu
Sansailah badan kok takana bundo
Raso basuo jo mandeh kanduang mak ei

Ondeh lah jauah denai di rantau
Elok basonyo gadih rang siko
Lah lamo kampuang indak denai silau
Manga ko kini rindu marantak di dado

Mandeh oh mandeh
Badan den lah ka sansai

Tabayang jo mandeh kanduang
Sadang mancuci kain, ndeh basimpuah di batu gadang
Tabayang jo mandeh kanduang
Sadang mancuci kain, ndeh basimpuah di batu gadang

Mandeh oh mandeh
Lah taragak nak pulang

Lah cinam pulo lidah den
Makan jo palai rinuak sarato manggatok pensi
Lah cinam pulo lidah den
Makan jo palai rinuak sarato manggatok pensi

(Ciptaan Masroel Mamudja, Dipopulerkan oleh Nurseha)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 270 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 7,059,070 orang

%d bloggers like this: