Posts Tagged 'Sjamsu Ariffin'

Ranuangkanlah

Cubo ranuangkan …

Duo tigo kuciang balari
Indak sacapek si kuciang balang
Duo tigo dapek den cari
Indak saelok Tuan nan hilang

Antahlah cubo ranuangkan – 2x

Reff:

Urang Padang maelo rantai
Rantai dielo ka Muko-muko
Sajak ketek badan marasai
Manga kok kini makin sansaro

Api-api tabang ka rimbo
Tibo di rimbo mamakan padi
Nan di hati lah lapeh juo
Apo katenggang di hati kami

Antahlah cubo ranuangkan – 2x

(Ciptaan Sjamsu Ariffin, Dipopulerkan oleh Elly Kasim, 1963)
©ourtesy of https://laguminanglamo.wordpress.com/

Antah Lai Jadi

[Versi Gumarang]

Di Taluak Tambang kasiak badarai
Sinan tampuruang si lago tigo
Sungguah tagamang diak kasiah bacarai
Kok lai untuang batamu juo

Antah lai jadi oi, antah kok tido oi
Antah lai jadi oi, antah kok tido

Urang Silungkang rajin batanun
Rajin manyulam nan jo manjaik
Alah den ulang diak ka tukang tanuang
Banyak kironyo yo nan tarumik

Antah lai jadi oi, antah kok tido oi
Antah lai jadi oi, antah kok tido

Di Taluak Tambang kasiak badarai
Sinan tampuruang si lago tigo
Sungguah tagamang diak kasiah bacarai
Kok lai untuang batamu juo

Antah lai jadi oi, antah kok tido oi
Antah lai jadi oi, antah kok tido

Di Batusangka balantai batu
Di Parak Jua labuah basilang
Sadangnyo kapa diak lai ndak lalu
Kunun jo rakik si batang pisang

Antah lai jadi oi, antah kok tido oi
Antah lai jadi oi, antah kok tido
Antah lai jadi oi, antah kok tido oi
Antah lai jadi oi, antah kok tido

Versi Elly Kasim

Indang Singguliang

Lah tarang indang lah ka dimulai
Balirik anak indang baselo
Lah tarang kasiah jolong dimulai
Sadang baitu lai putuih juo

Dirantang tangan jari mangirai
Maaf dipinto yo ka nan banyak
Tagamang badan kasiah bacarai
Raso ka taban tampek bapijak

Indang singguliang, indang singguliang
Baitu namonyo

Basabuik indang baleh mambaleh
Samakin rami nan mudo-mudo
Sayuik panggalan buliah diuleh
Tibo di kasiah apo ka dayo

Indang singguliang, indang singguliang
Baitu namonyo
Indang singguliang, indang singguliang
Indang singguliang, indang singguliang

(Ciptaan Sjamsul Arifin, Dipopulerkan oleh Elly Kasim 1963)
©ourtesy of https://laguminanglamo.wordpress.com/

Si Nona

Oh malala …, jan lah malala juo
Hari lah sanjo …, (hmm …)

Reff :

Si Nona, Si Nona rang gadih mantiak
Jan suko, jan suko pai malala
Si Nona, rang gadih nan jolong gadang
Jan suko, jan suko pai batandang

Oh malala …, jan lah malala juo
Hari lah sanjo …
Oh marilah …, marilah kito pulang
Hari lah patang

Awak rancak, budi elok
Baso basi mamikek hati

Si Nona, Si Nona rang gadih mantiak
Jan suko, jan suko pai batandang

(Ciptaan Sjamsu Ariffin, Dipopulerkan oleh Lily Syarief)
©ourtesy of https://laguminanglamo.wordpress.com/

Remoh

Sansai sansai yo badan oi

Sajak pabirik di Indaruang
Lori bajalan ateh kawek
Sajak pabirik di Indaruang
Lori bajalan ateh kawek

Sajak paningga mandeh kanduang
Nasi dimintak sumpah dapek
Sajak paningga mandeh kanduang
Nasi dimintak sumpah dapek

Sansai sansai yo badan oi – 2x

Sansai sansai yo badan oi – 2x

Lai dicubo manyubarang
Tahondoh juo ka muaro
Lai dicubo manyubarang
Tahondoh juo ka muaro

Lai dituruik kato urang
Remoh juo kasudahannyo
Lai dituruik kato urang
Remoh juo kasudahannyo

Sansai sansai yo badan oi – 2x
Sansai sansai …

(Ciptaan Sjamsu Ariffin, Dipopulerkan oleh Elly Kasim, 1968, Sumbangan Lirik oleh Inyiak Darwas Ibrahim, Revisi oleh Nursal Alland)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,449,040 orang

%d bloggers like this: