Posts Tagged 'Syamsi Hasan'

Papatah Tuo

Jikok ka bukik samo mandaki
Jikok ka lurah samo manurun
Iyolah sadanciang bak basi
Iyo saciok pulo bak ayam

Jikok barek nan samo dipikua
Kalau nan ringan samo dijinjiang
Kusuik nan samo disalasaikan
Karuah nan elok kito janiahkan

Bulek kato dek mupakaik
Bulek jantuang dek kalupak
Bulek aia dek pambuluah
Pipiah buliah dilayangkan

Jikok kaba buruak bahambauan
Karajo elok baimbauan
Duduak surang basampik-sampik
Jikok basamo balapang-lapang

(Ciptaan (?), Dipopulerkan oleh Syamsi Hasan – Alek Olo II, Sumbangan lirik oleh Ijoenk)
©ourtesy of https://laguminanglamo.wordpress.com/

Laruik di Rantau

Den kana samaso dahulunyo
Samaso dimanjo urang tuo
Kiniko den laruik dirantau urang
Mambaok untuang di badan surang

Reff:

Kini den tamui, hanyo pusaro
Pusaro ayah nan jo bundo
Alun talakik, den mambaleh guno
Doa ayah jo bundo nan diikek karimnyo

Maratok den liek si rumah gadang
Lamannyo lah panuah rumpuik lalang
Tinggalah oi kampuang jo sawah rawa
Kiniko den laruik di rantau urang

(Ciptaan (?), Dipopulerkan oleh Syamsi Hasan – Alek Olo II, Sumbangan lirik oleh Ijoenk)
©ourtesy of https://laguminanglamo.wordpress.com/

Dibaok Untuang

Kok kapai kok katingga tasarahlah
Denai tinggakan kini kampuang halaman
Ayah bundo sanak sudaro antahlah
Denai tak tau dibaok untuang badan

Reff:

Urang tak pandang dek ado haratonyo
Lunak gigi pado lidah dibueknyo
Tapi kok bansaik badan apo kadayo
Ameh bana kato urang loyang juo

Ingeklah hiduik bak roda ka baputa
Kini di ateh isuak mungkin di bawah
Kito nan bangiah, sanak usahlah lengah
Cancang aia ndak ka putuih kabaalah

(Ciptaan (?), Dipopulerkan oleh Syamsi Hasan – Alek Olo II, Sumbangan lirik oleh Ijoenk)
©ourtesy of https://laguminanglamo.wordpress.com/

Tagak Tali

Karajo tuo mudo jo bujang
Mauruik-uruik manjadi panjang
Heran di bawah marantang nan di ateh bagoyang
Nan di bawah marantang, nan di ateh bagoyang

Jikoklah mulai laruik hari
Alah mulai tagak tali
Nan manang manari-nari
Kalah baibo hati
Manang manari-nari
Kalah baibo hati

Mari basamo ka tanah lapang
Kito maliek si layang-layang
Urang batandiang nan sampai patang
Beresnyo kambiang nan dibaok pulang

Urang batandiang layang-layang

(Ciptaan (?), Dipopulerkan oleh Syamsi Hasan – Alek Olo II, Sumbangan lirik oleh Ijoenk)
©ourtesy of https://laguminanglamo.wordpress.com/

Datuak Sagalo

Ota gadang balapia-lapia
Urang mandanga disangko pandia
Baliak balakang lah kanai cibia
Nyo baciloteh bakcando aia

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

Heee … Heeee ….

Dima kusuik nan kasalasai
Awak binguang disangko pandai
Tabang tinggi sayok maradai
Apo nan dikakok bapetai-petai – 2x

Lakek gala Datuak Sagalo
Carito urang, carito inyo
Urang di “a” nyolah tibo di “o”
Kok disolang nyo tabik rabo

[kembali ke atas]

(Ciptaan (?), Dipopulerkan oleh Syamsi Hasan, Sumbangan lirik oleh Ijoenk)
©ourtesy of https://laguminanglamo.wordpress.com/

Boco Aluih

Banyak istilah di jaman kini
Jadi sabutan urang nan rami
Kok nyampang putuih tali satunyo
Iko nan cocok untuak galanyo

Boco aluih …, hei la o lai boco aluih
Gadang ketek o nan manggalakkan
Urang banyak alah samo tahu
Boco aluih …, oi itu namonyo …

Reff:

Kok nyampang namuah batuka gala
Gala kok dapek di tangah pasa
Usahlah sanak maraso bangga
Lamo jo lambek pasti manyasa

Boco aluih …, hei la o lai boco aluih
Aratinyo ho kanai sabalah
Antene bana nan lah condong
Boco aluih …, oi itu namonyo …

Jikok ban boco dapek dipompa
Kok embe boco dapek disumbek
Kok urang boco ilang pangana
Alah indak tantu nan ka dibuek

Boco aluih …, hei la o lai boco aluih
Aratinyo ho kanai sabalah
Antene bana nan lah condong
Boco aluih …, oi itu namonyo …

(Ciptaan Syamsi Hasan, Dipopulerkan oleh Syamsi Hasan)
©ourtesy of https://laguminanglamo.wordpress.com/

Ka Kuliah

Alah sajak dulu biai katokan ka anak kanduang
Kok ndak talok lai di utak nantun, usah kuliah
Kok maagiah sogok, yo indak talok di mandeh nangko
Cubo bajalan ka kantua-kantua cari karajo

Baa pulo biai mangko bakato sarupo iko
Gadaikan malah sawah kito tu
Nantik kok lah tamaik denai kuliah, ditabuih pulo
Kok untuang tabangkik batang tarandam

Reff:

Jaleh utak ang yuang ndak talok ujian sipenmaru
Apo lai kuliah sakian tahun baa pitihnyo?
Kok lai namuah buyuang manggaleh koran sambia kuliah
Itu baru tampak kareh hatinyo buyuang sikola

Dangalah o biai, kok ndak kuliah den malu jo kawan
Gengsi dong biai, jikok ndak kuliah
Bialah utak den co utak udang, asa kuliah
Indak tantu dek buyuang den ka tandeh

(Ciptaan Masroel Mamudja, Dipopulerkan oleh Syamsi Hasan dan Upik Saunang)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 218 other followers

Dari Masa ke Masa


Pengunjung Terbaru

xeaouzin on Karam di Lauik Cinto
greget on Malam Bainai
Furqan on Kampuang Kami
Wahyu setiawan on Ayam den Lapeh
mp3 downlaoder free on Badindin
samuelking on Ayam den Lapeh
samuelking on Ayam den Lapeh
nurul adisti on Aia Mato Mandeh

Lokasi Pengunjung

MARAWA

Dikunjungi

  • 3,963,030 orang

Follow

Get every new post delivered to your Inbox.

Join 218 other followers

%d bloggers like this: