Posts Tagged 'Ujang Virgo'

Jambatan Latiang

Jo Pudin nak urang Jambatan Latiang
Badikia, lagu e yo lara oi
Indang dimulai hanyo lai – 2x

Santano batumpu di nan gantiang
Usah diloro banang lah sahalai
Eloklah dipilin buhua mati – 2x

Mangko rapai ka disidak
Indang bamulai hanyo lai
Dek lunak bana niniak mamak
Lah banyak geneang di nagari

Dari Nareh yo ka Cimpago
Jambatan Latiang oto lah baranti
Sampaikan kato nan tagajai – 2x

Batimbang tando pagi cako
Rang siak mandoa kalam hari
Indang malapeh kato bayang – 2x

Lah pacah rotan ka panyidak
Rapai nan indak nyariang lai
Kok lai kareh niniak mamak
Nan sarupo ko indak tajadi

[kembali ke atas]

(Ciptaan Ujang Virgo, Dipopulerkan oleh Amriz Arifin)
©ourtesy of https://laguminanglamo.wordpress.com/

Advertisements

Pangulu

Kato Rajo (ondeh kanduang) kato malimpah
Kato Nan Alim (oi kanduang) kato hakiki
Kok Hulubalang (oi kanduang) kato manggaga
Duo sarupo (oi sanak) yo kato Manti

Parik paga (ondeh kanduang) paga nan rapek
Jikok Pangulu (oi sanak) lantai nagari
Kok tapijak (kok tapijak) pantang manjongkek
Ungkai lah tantu (oi sanak) manahan uji

Niniak Mamak (niniak mamak) punyo pituah
Mambari contoh (oi kanduang) didalam kampuang
Sungguah bajalan (oi mamak) yo di nan data
Ingeki kaki (yo mamak) jikok tataruang

Unak manyangkuik (oi kanduang) jikok badarah
Ranggeh malatiang (oi mamak) indak tatangguang
Yo dek manjago (yo mamak) parang jan pacah
Dipatah karih (ndeh mamak) didalam saruang

Tantang sangketo pakaro si hutang tanah
Usahlah sampai (oi kanduang) ratak malampau
Suruikkan kaki (oi kanduang) nan lah talangkah
Nan alah sasek (yo mamak) capek dihimbau

Nan kusuik capek (oi mamak) disalasaikan
Usahlah sampai (oi mamak) murai bakicau
Karajo Pangulu kok lai dijalankan
Jaranglah sampai (oi kanduang) ka meja hijau

(Ciptaan Ujang Virgo, Dipopulerkan oleh Amriz Arifin)
©ourtesy of https://laguminanglamo.wordpress.com/

Pantun Babayang

Ba indang urang di Padang Kajai
Rami dek anak rang Lapau Duku
Pantun nan babayang kato sampai
Maaf dipintak yo tantang itu

Alah, yo lak ilah dunsanak oi
Indang nan paubek hati risau

Mauluik urang di surau ipuah
Badikia sampai nan patang hari
Dek bansaik mangko urang tak acuah
Tasisiah iduik nan di nagari

Alah, yo lak ilah dunsanak oi
Baitu buruaknyo untuang kami

Basimpang jalan ka Padusunan
Kasuok taruih nan ka Sikapak
Kok sansai lah lamo ditangguangkan
Yo sarik induik indak bamamak

Alah, yo lak ilah dunsanak oi
Malang nan indak dapek ditulak

Tadanga tambua baibo ibo
Urang baralek di Ujuang Tanjuang
Kamano badan nan ka baiyo
Sajaknyo maningga ayah kanduang

Alah, yo lak ilah dunsanak oi
Dimano duduak sinan bamanuang

Dilauik nagari Tanah Taban
Kamudiak tibo di Balai Kamih
Kok indak dek pandang pakuburan
Bia dirantau babuah tangih

Alah, yo lak ilah dunsanak oi
Bia dirantau babuah tangih

(Ciptaan Ujang Virgo, Dipopulerkan oleh Amriz Arifin dan Rosnida Ys)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 271 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 7,385,536 orang

%d bloggers like this: