Posts Tagged 'Yetty'

Manggaro (Halau Buruang)

Halau halau halau halau, halaulah buruang
Usahlah inggok di padi den nan sabatang
Ondeh kanduang ondeh kanduang, ingeklah ingek
Usahlah cinto oi kanduang dipamainkan

Ondeh buruang, tenggang tengganglah
Anak balimo nan den gadangkan
Padi denai tumbuah sabatang
Abih kasia denai kadukan

Ondeh kanduang ondeh kanduang, ingeklah ingek
Usahlah cinto oi kanduang dipamainkan

[kembali ke atas]

(Ciptaan Masroel Mamudja, Dipopulerkan oleh Yetty)
©ourtesy of https://laguminanglamo.wordpress.com/

Badayuang di Lauik Cinto

Janji dibuek dari lubuak hati
Sakuliliang alam nangko saksinyo
Janji dibuek untuak ka salamonyo
Indak ka namuah denai bapisah lai

Cinto diikek dari lubuak hati
Kasadonyo tibo dari Kuaso
Cinto taikek cando kuku jo dagiang
Apo nan tibo yo taguah denai hadang

Ondeh … baduo sabiduak
Badayuang di lauik cinto
Ondeh … sairiang sajalan
Mahadang hiduik nangko

Janji diganggam sahiduik samati
Bia turun langik nangko ka bumi
Namun nan cinto taruih dibimbiang juo
Sampai masonyo denai manutuik mato

[kembali ke atas]

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Pusako Buntuang

Pusako buntuang tungga babeleang
Pusako tinggi karuko muni
Minyak panuah usah diteteang
Kok takicuah dek nan jadi

Reff :

Dahulu rabab nan batangkai
Kini kaliki yo nan babungo
Dahulu adaik nan bapakai
Kini ko pitih yo nan paguno

Kok disabuik di zaman kini
Nan gadih indak batilakuang
Lah dulu bajak pado jawi
Malu lah tingga di mandeh kanduang

Pusako buntuang baabaikan
Pusako tinggi pambali lado
Indak saayun mamak jo kamanakan
Co kain buruak paapuih muko

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Mandeh Kanduang

Mandeh oi mandeh
Baa ko manangih juo
Laruik hati denai maliek mandeh
Mandeh kanduang usahlah putuih aso
Sansaro indak untuak ka salamonyo

Mandeh oi mandeh
Denai ko lai bausaho
Gigiah hati denai manjangkau angan
Mandeh kanduang usahlah rusuah juo
Galombang hiduik cando roda padati

Reff:

Kini ko denai sadang bausaho mandeh
Jalan nan denai tampuah banyak baduri
Marilah kito tangadah ka langik tinggi
Marilah kito bado’a ka Tuhan Kuaso

Mandeh oi mandeh
Sabalah mandeh mananti
Angan hati kito lamo lambek ka tibo
Mandeh kanduang usahlah putuih aso
Kito tunggu galombang tanang tibo

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Tadayo

Bamulo kito pandang mamandang
Hati jo jantuang raso baguncang
Rambuik taurai mambuek kanai
Ndeh apo bana nan adiak pakai

Jikok mancaliak sarato mamandang
Jan pandang jauah buliah nak jaleh
Rambuik taurai mambuek kanai
Ndeh apo pulo nan uda kieh

Reff :

Ondeh … tadayo…
Sansai … karam di lauik cinto
Ondeh … tadayo…
Sansai … karam di lauik cinto

Kok lai buliah uda batanyo
Adiak nan manih alah bapunyo
Tapauik kasiah pandang partamo
Marilah kito bajawek kato

Kok condong mato bantuak nan rancak
Tanyo ka diri sia ko awak
Ndak tau uda adiak nan rancak
Kito baduo yo badunsanak

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/

Minang Kini

Di darek urang batanam baniah
Baniah ditanam harok manjadi padi
Diliek Minang kini sabana sadiah
Baraliah gambok di jaman kini

Di Cupak urang manggaleh lado
Banyak mambali tibo dari Salayo
Yo nampak Minang kini alah tabedo
Adaik ko ereang manangih Bundo

Reff:

Ondeh niniak mamak di Rumah Gadang
Tolonglah hiduikkan palito di Ranah Minang
Ondeh niniak mamak usah bapangku tangan
Tolonglah kuakkan kabuik palipuik Minang

Di Padang urang babendi-bendi
Urang babendi taruih ka Pauah Limo
Lah jaleh Minang kini banyak baganti
Adaik ko tingga manangih Bundo

(Ciptaan (?), Dipopulerkan oleh Betharia Sonata dan Yetty)
©ourtesy of https://laguminanglamo.wordpress.com/

Untuangnyo Badan

Mamukek urang di Pariaman
Kanailah anak ikan gulamo
Cando ko bana untuangnyo badan
Apoko sabab dek karanonyo
Cando ko bana untuangnyo badan
Apoko sabab dek karanonyo

Reff:

Dikaka dulu baru dikisai
Padi sipuluik urang Suliki
Dicubo dulu badan marasai
Bisuak nan indak tagamang lai
Dicubo dulu badan marasai
Bisuak nan indak tagamang lai

Mamukek urang di karang gosong tuan
Kanai lah anak si maco aji …
Untuang lah ombak lai manolong
Baru lah sampai ka tanah tapi
Untuang lah ombak lai manolong
Baru lah sampai ka tanah tapi

(Ciptaan (?), Dipopulerkan oleh Yetty)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 267 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,796,419 orang

%d bloggers like this: