Posts Tagged 'Yus Dt. Parpatiah'

Gamad Joged Bahoyak

Panek lah pandan manjulai sajo
Angku kadi basaruang kain
Panek lah badan manggemai sajo
Uda bajadi jo urang lain
Panek lah badan manggemai sajo
Uda bajadi jo urang lain

Lala lala lalala …, lala lala lala lalala …
Lala lala lalala …, lala lala lala lalala …

Ujan lah labek langik bakabuik
Anak lah gagak babondong lalo
Urang baralek awak mancagun
Awak baragah urang lah dulu
Urang baralek awak mancagun
Awak baragah urang lah dulu

Lala lala lalala …, lala lala lala lalala …
Lala lala lalala …, lala lala lala lalala …

Bungo lah padi layua daunnyo
Pipik bamain nan dirantiangnyo
Cinto di hati urang nan punyo
Cari nan lain kagantinyo
Cinto di hati urang nan punyo
Cari nan lain kagantinyo

Lala lala lalala …, lala lala lala lalala …
Lala lala lalala …, lala lala lala lalala …

[narasi penutup]

Api padam puntuang lah hanyuik
Asok mandulang ka udaro
Alek habih urang lah pulang
Disambuang pulo nan ka tibo

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Sanang Hati

Kok makan alah samparono kanyang
Minum alah samparono sajuak
Bajalan lah sampai ka bateh
Kok bajalan balayia lah sampai ka pulau

Namun samantang pun baitu
Makan minum raso di paruik
Talingo jo apo disanangkan?

Ladang padi, ladang padi ditanam lado
Dalam parak, dalam parak batanam pimpiang
Sanang hati, sanang hati indak tabado
Anak rancak, anak rancak minantu santiang

Patang hari hujan bakabuik
Anak urang lah baluluangan
Ondeh … iyo …
Ondeh … iyo …

Sanang hati ijan disabuik …
Anak surang lah bajunjuangan …
Lah bajunjuangan
Lah bajunjuangan

Batang jati, batang jati ditanam urang
Nan sabatang, nan sabatang kini lah duo
Sanang hati, sanang hati sabana sanang
Anak surang, anak surang kini lah duo

Rantang tali si tigo dapo
Kabek malah si rantiang kayu
Ondeh … iyo …
Ondeh … iyo …

Sanang hati indak takato …
Dapek minantu nan katuju …
Yo nan katuju
Yo nan katuju

Ladang padi, ladang padi ditanam lado
Dalam parak, dalam parak batanam pimpiang
Sanang hati, sanang hati indak tabado
Anak rancak, anak rancak minantu santiang

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Makan Basamo

Kok hati nan diambiak paarih
Mato nan diambiak paliek
Kok mangkuak alah tasusun
Edaran alah talatak

Iyo kami silang nan bapangka, karajo nan bapokok
Nak mintak disantap, sakian bana pado Sutan

Tahidang samba nan jo nasi
Tasusun piriang nan jo cawan
Apo juo lai nan dinanti
Basuah tangan marilah makan

Balinang si samba randang
Samba lado bagoreng patai
Makan sabana makan kanyang
Di rumah indak baulang lai

Kunyah kenyoh bacepak cepong
Makan sapiriang tambuahnyo duo
Sado nan masuak usah dietong
Bara nan tingga disantuang juo

Tahidang samba nan jo nasi
Tasusun piriang nan jo cawan
Apo juo lai nan dinanti
Basuah tangan marilah makan

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Basandiang Duo (BG)

Kok nan dijapuik alah tabao
Nan dianta alah tibo
Rancak di mato nak maliek
Rancak di talingo nak mandanga

Iyo juo kami mintak kapado
Silang nan bapangka karajo nan bapokok
Anak daro jo marapulai nak mintak dipasandiangkan

Marapulai jo anak daro
Duduak basandiang di palaminan
Surang ratu nan surang rajo
Kipeh basabuang kiri jo kanan

Marapulai basandiang duo
Sanang lah hati kami maliek
Hai bak pinang dibalah duo
Surang rancak nan ciek kamek

Marapulai sanyum bapulu
Anak daro darah badabok
Nan lah mancubo tantu maklum
Apo di hati buliah di takok

Marapulai sanyum bapulu
Anak daro darah badabok
Nan lah mancubo tantu maklum
Apo di hati buliah di takok

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Marapulai Tibo

Lamo lambek di jalan
Jauah basarang dakek juo
Kini lah tibo hanyo lai
Iyo di rumah anak daro

Nan dinanti kini iyo lah tibo
Nan dinanti datang jo pangiriangnyo
Sanang hati sajuak lah kiro-kiro

Reff:

Dima hati indak lah ka sanang
Marapulai kini alah datang
Oi malenggok, jalan malenggang …

Nan dinanti kini iyo lah tibo
Nan dinanti datang jo pangiriangnyo
Sanang hati sajuak lah kiro-kiro

Marapulai sabana santiang
Yo malenggok jalan bairiang
Sambuik kapua jo bareh kuniang

Nan dinanti kini iyo lah tibo
Nan dinanti datang jo pangiriangnyo
Sanang hati sajuak lah kiro-kiro

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Pitunang Marapulai

Ka bukik lah dapek angin
Ka lurah lah dapek aia
Kok pintak alah dibari
Kok kandak alah balaku

Mako sakarang kini nangko
Kami bao marapulai jo pangiriangnyo
Mintak dilapeh jo hati nan suci, muko nan janiah

Aiii …, barambun sadah jo kapeh
Pandan bakabek hanyo lai
Ampunkan denai ayah jo mandeh …
Badan barangkek hanyo lai …

Ampun baribu kali ampun
Ampunkan denai sanak sudaro
Badan … barangkek hanyo lai …

Aiii …, sicerek tolong ladangkan
Di ladang dicabuik urang
Di ketek mandeh gadangkan, mandeh …
Lah gadang dijapuik urang …

Ampun baribu kali ampun
Ampunkan denai sanak sudaro
Lah gadang dijapuik urang …

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/

Batagak Gala Marapulai

Dek pintak lah di nan bana
Lah taracak di undang tasungkuik di limbago
Sasuai jo janji nan dikarang sarato padan nan diukua
Tinggo hanyo lai manapati

Tapi sungguahpun baitu
Sakali mambukak puro, duo tigo utang tabaia
Sakali marangkuah dayuang, duo tigo pulau talampau

Iyo juo manuruik adaik Minangkabau
Ketek banamo gadang bagala
Sia ko gala marapulai?

Reff:

Si tenek pai malala
Maraun ka Simpang Kapau
Ketek banamo gadang bagala
Itu adaik di Minangkabau

Sapu tangan basagi ampek
Salusin duo baleh alai
Bukan kami salah siasek
Sia ko gala marapulai?

Pario pucuak manjulai
Ubek ditampa malapari
Batanyo gala marapulai … hai
Sutan Sinaro kami bari

(Ciptaan (?), Baralek Gadang 1988, Dipopulerkan oleh Elly Kasim dan Yus Dt. Parpatiah dkk)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Pengunjung Terbaru

nure on Badindin
nure on Badindin
saidi faiz on Pulang Marantau
hatta on Ayam den Lapeh
updateku on Lompong Sagu
ZUL on Kaparinyo
Rahmadina.s on Anak Sipasan
rendihidayatmath on Kasiak Tujuah Muaro

Lokasi Pengunjung

MARAWA

Dikunjungi

  • 6,578,529 orang

%d bloggers like this: