Posts Tagged 'Yusaf Rahman'

Tari Dendang jo Tari

Mari kito ka ladang
Ka ladang ambiak kamiri
Mari kito badendang
Badendang sambia manari

Babiduak ka Pulau Pandan
Baranang yo ka subarang
Lenggang lenggokkan badan
Sairiang jo bunyi gandang

Marilah kito malah manari basamo
Sambia badendang basuko hati
Tuo jo mudo tagak manari basamo
Hilangkan rusuah yo di dalam hati

Ka pulau kito ka pulau
Ka pulau manjariang udang
Bagurau mari bagurau
Bagurau jo hati sanang

Rang mudo di Koto Gadang
Nak pai ka Bukiktinggi
Manari sambia badendang
Hilangkan rusuah di hati

Marilah kito malah manari basamo
Sambia badendang basuko hati
Tuo jo mudo tagak manari basamo
Hilangkan rusuah yo di dalam hati

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Advertisements

Tari Patenggangkan

Aliah arahnyo yo lah ka parahu
Lah karang sajo yo nan di haluannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo
Kasiah bakisa kami ndak tahu
Lah ranggang sajo, ondeh yo …, ondeh kasudahannyo …

Patenggangkan yo lah yo patenggangkan …
Patenggangkan yo lah yo patenggangkan …

Dek rami langgundi di tapi tabek
Tibo di banda curah bacurahkan
Dek kami janji bapacik arek
Tibo di uda, cayah iyo …, ondeh bacayahkan …
Dek kami janji bapacik arek
Tibo di uda, cayah iyo …, ondeh bacayahkan …

Patenggangkan yo lah yo patenggangkan …
Patenggangkan yo lah yo patenggangkan …

Basilang jari yo tanti batanti
Ubah ka jadi yo parantang kain
Babilang hari kami mananti
Uda bajadi, ondeh iyo …, ondeh jo urang lain
Babilang hari kami mananti
Uda bajadi, ondeh iyo …, ondeh jo urang lain

Patenggangkan yo lah yo patenggangkan …
Patenggangkan yo lah yo patenggangkan …

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Mari Kito Manari

Usah ditanam si dalu-dalu
Jikok ka patah si dahan jati
Usah dikana maso nan lalu
Kok nyo ka marasah yo di dalam hati
Usah dikana maso nan lalu
Kok nyo ka marasah yo di dalam hati

Randam palakaik di sanjo hari
Nak jan nyo lapuak jadikan amban
Dandam kasumaik kito hindari
Nak jan nyo jauah kawan, handai jo tolan
Dandam kasumaik kito hindari
Nak jan nyo jauah kawan, handai jo tolan

Mari yo kito manari
Lenggang malenggok ayunkan langkah
Iriang sairiang jo bunyi gandang
Rantak sarantak jo tapuak tangan

Tanjuang Pati yo di Payokumbuah
Bareh sipuluik tanak ka katan
Dalam hati yo lah samo namuah
Barek nyo muluik katokan mangatokan
Dalam hati yo lah samo namuah
Barek nyo muluik katokan mangatokan

Indak diuleh yo banang suto
Suto tarantang di bawah pundi
Indak di ameh basarang cinto
Cinto basarang di indahnyo budi
Indak di ameh basarang cinto
Cinto basarang di indahnyo budi

Mari yo kito manari
Lenggang malenggok ayunkan langkah
Iriang sairiang jo bunyi gandang
Rantak sarantak jo tapuak tangan

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Lambah Harau

Lambah Harau yo si Lambah Harau
Sumarak alam yo sajak dulunyo
Eten di Luhak si Limopuluah
Luhak Nan Bungsu yo urang namokan

Lambah Harau yo si Lambah Harau
Dilingkuang bukik yo bukik batu
Aia mancua malereng bukik
Manyibak ambun yo suok jo kida

Reff:

Tadanga sayuik bunyi tingkah yo talempong pacik
Disalo sauik pupuik si batang padi
Di sinan nan mudo rindu malapeh rindu
Basijontiak pantun yo babaleh pantun
Nan tuo angah yo tampek malapeh angah
Rintang parintang gaduah yo gaduah di hati

Lambah Harau yo si Lambah Harau
Sumarak alam yo sajak dulunyo
Eten di Luhak si Limopuluah
Luhak Nan Bungsu yo urang namokan

(Ciptaan/Aransemen Yusaf Rahman, Lagu Pengiring Tari)
©ourtesy of https://laguminanglamo.wordpress.com/

Rusuah Hati

Hari baransua pagi
Murai alah bakicau
Rusuah nyo malah hati
Tuan kanduang manga duduak bamanuang

Reff:

Dasia aia mangalia
Mambaok denai sansai
Maliek tuan manangih
Antah dek apo lah sabab karanonyo

Jikok tuan mandanga
Bunyi lagu sayuik-sayuik sampai
Itulah kaganti
Niaik hati manyampaikan salam rindu

Denai bahibo hati
Iyo bahibo bana
Maliek tuan bamanuang
Sambia duduak manangih surang diri

(Lirik asli Hari Pagi diciptakan oleh Yusaf Rahman, Dipopulerkan oleh Elly Kasim)
©ourtesy of https://laguminanglamo.wordpress.com/

Kue Dokok Dokok

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …

Jikok malam kami bajojo
Urang lalok kami nan jago juo
Mancari makan sanak sudaro
Kue kue …, kue kue …

Cubolah hai cubo oi kawan sadonyo
Iyo sabana sero dimakan baduo
Ciek lai sadang, banyak abih juo
Nan mambali sanang kami balabo

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …

Jikok malam kami bajojo
Urang lalok kami nan jago juo
Mancari makan sanak sudaro
Kue kue …, kue kue …

Cubolah hai cubo oi kawan sadonyo
Iyo sabana sero dimakan baduo
Ciek lai sadang, banyak abih juo
Nan mambali sanang kami balabo

Kue kue, dokok dokok
Lapek bugih, lapek baru, kue
Lamang, kue lampar, kue koci
Kue kue …, kue kue …, kue kue …

(Ciptaan Yusaf Rahman, Dipopulerkan oleh Gumarang)
©ourtesy of https://laguminanglamo.wordpress.com/

Pasambahan

Disulam sari sarato jubah
Jubah diguntiang dek anak rajo
Ondeh kanduang oi, ondeh sanak oi …
Di dalam tari kami manyambah
Sambah tairiang nan jo carano
Ondeh kanduang oi, ondeh sanak oi …

Yoo, Tuanku Basa, basa batuah, kanduang
Himpunan puji tumpuan sambah
Jaweklah salam sarato sambah
Sambah nan datang yo dari bawah

Adaik dek kami …
Alek mananti …

Cabiaklah siriah, gatoklah pinang
Nak sanang hati alek mananti
Ondeh kanduang oi, ondeh sanak oi …

[carano dipasambahkan dengan iringan bansi]

Reff:

Kok ado langkah nan salah
Rila jo maaf kami dibari, yo sanak kami dibari
Usah disimpan dalam hati, di dalam hati
Maklumlah kami urang mudo nan jolong gadang
Paham nan balun, balun dapek kami pakaikan
Darah nan balun, balun satampuak, satampuak pinang
Umua nan balun, balun satahun, satahun jaguang

(Aransemen Tari Pasambahan oleh Yusaf Rahman)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 270 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 7,059,070 orang

%d bloggers like this: