Posts Tagged 'Zulkarnaen'

Baalah Kasudahannyo

Ondeh … baalah kasudahannyo …

Ondeh, kayu kalek … kayu kalek madang di lurah …
Iyo diambiak ka tunggak langkan … – 2x
Ondeh, hati lakek … hati lakek pandang lah sudah …
Tagah dek pandai mahilangkan … – 2x

Ondeh, batang salak … batang salak di Pakan Satu …
Ambiak sarantiang baok pulang … – 2x
Ondeh, haram talak … haram talak ambo kok tau …
Bak raso tuan di tangan urang … – 2x

Ondeh, sarikayo … sarikayo makan jo tapai …
Taratai tumbuah di tapian … – 2x
Ondeh, bialah … di dunia kasiah ndak sampai …
Di akhiraik tuan ambo nantikan … – 2x

Ondeh … baalah kasudahannyo …

(Ciptaan Zulkarnaen, Dipopulerkan oleh Melati)
©ourtesy of https://laguminanglamo.wordpress.com/

Tambang Arek

Rami galanggang ndeh diak oi di Batusangka
Manang lah kudo ondeh diak kanduang ei balam birugo – 2x
Buah nan masak ndeh diak oi manjadi mangka
Putiak babaliak ondeh diak kanduang ei manjadi bungo – 2x

Koto Gadang ndeh tuan Ranah Balingka
Koto rang Guguak ondeh tuan denai Tabek Sarojo – 2x
Buah nan masak ndeh tuan indak ka mangka
Asa lai pandai ondeh tuan denai nan mamaramnyo – 2x

Jan cameh ondeh diak oi
Asa pandai nan mamaramnyo
Jan cameh ondeh diak oi
Asa pandai nan mamaramnyo

Balam timbago ndeh diak oi pasang karatan
Bao bapikek ondeh diak kanduang ei malah dahulu – 2x
Guruah kok indak ndeh diak oi ka jadi hujan
Bumi jo langik ondeh diak kanduang ei ka dapek malu – 2x

Hari patang ndeh tuan matohari turun
Dagang batulak ondeh tuan denai yo ka kampuangnyo – 2x
Guruah bacinto ndeh tuan hujan nak turun
Awan di langik ondeh tuan denai yo mahambeknyo – 2x

Ondeh diak oi apo dayo
Tambang arek di nan punyo
Ondeh diak oi apo dayo
Tambang arek di nan punyo

(Ciptaan Zulkarnaen, Dipopulerkan oleh Zulkarnaen dan Melati)
©ourtesy of https://laguminanglamo.wordpress.com/

Sagalo Jikok

Si kapa di Taluak Bayua
Balampu taruih puncaknyo
Kok kabau pandai batalua
Yo bara lah ka buruak, ka buruak onggok congkongnyo – 2x

Reff:

Dikaji jikok yo sanak sagalo jikok
Jikok nan kokok yo kokok tingga di ayam
Batamu ongok yo sanak basamo ongok
Nan kaluak paku yo sanak batambah kalam

Si pado di Pasa Matua
Manjua bilih kadainyo
Kok kudo pandai basiua
Yo bara lah ka monyong, ka monyong cibia muncuangnyo – 2x

(Ciptaan Zulkarnaen, Dipopulerkan oleh Melati)
©ourtesy of https://laguminanglamo.wordpress.com/

Limo Kali Kawin

Dulu lah tadanga carito limo kali kawin
Dari nan partamo sampai kalimo lah balapehkan
Uwok taruang, tempe, toge jo samba balacan
Keju jo kantang, goreng lauak, patai jo jariang
Sakik pinggang den, mambana sabaleh jo kapalo

Kali kaanam kawin jo gadih Singapura
Yo kok bantuaknyo aduhai sabana gaya
A nan disabuik, nyo manjawab “wo ai si laa”
Sayang saketek masakannyo:
Cap cay ka cap cay, campua jo kucai
Ondeh baunnyo iyo manyangai …

Kali katujuah kawin jo gadih Ujung Pandang
Gadihnyo ramah, ondeh mak sangaik pariang
Babaju bodo nyo manari malenggang-lenggang
Tapi, sayang saketek masakannyo:
Coto ka coto, ikan bapanggang
Skali-kali ado lo udang …

Kali kalapan den kawin jo gadih Batawi
Itu lah gadih jo ambo sangaik sarasi
Kalau bedendang lagunye si jali-jali
Tapi, sayang saketek masakannyo:
Lodeh ka lodeh, peda ka peda
Bubua ayam nyo agiah pagi …

Kali kasambilan baru lah kanai batunyo
Itu lah gadih sabana cocok jo ambo
Di Medan juo akianyo kami basuo
Haha, kok masakannyo:
Ndak usah dibaco, sabana sero
Pokoknyo siip! abih carito …

(Ciptaan Zulkarnaen, Dipopulerkan oleh Zulkarnaen)
©ourtesy of https://laguminanglamo.wordpress.com/

Pasa Ateh Pasa Bawah

Kok nak tau jo taruang paranggi
Masam-masam manih rasonyo
Jikok tuan nak ka Bukiktinggi
Rabaa Satu nan rami pasanyo

Rami kampuangnyo Rang Tangah Sawah
Rami manjalang hari sanjo
Pasa Ateh jo Pasa Bawah
Lah ado sajak maso dahulunyo

Ndeh sabana sibuik urang bajua bali
Labiah-labiah kalau ka ri rayo
Kadang-kadang ado lo nan lucu tajadi
Parang muluik akhianyo elo mahelo

Ka gulai manih cancanglah labu
Ganduah jo lauak tarang-tarang
Jikok sanak ingin lah tau
Nan bedo Rang Banuhampu jo Rang Kamang

[kembali ke atas]

(Ciptaan Zulkarnaen, Dipopulerkan oleh Zulkarnaen)
©ourtesy of https://laguminanglamo.wordpress.com/

Nenek Nonton Pilem India

Tadi malam nenek nonton pilem India
Kok lakonnyo Rekha Purno nan jo Shakila
Yo manonton ondeh urang yo rami bana
Sampai tarompa nenek tatingga di lua

Pilem main, nenek nonton ndeh asik bana
Ndeh sadiah nenek nangih taisak-isak
Nenek eboh yo dek lakon malampang nona
Nyo marabo yo berang, rami basorak

Batambah sibuik si nenek
Nyo sabuik santiang jo ampek
Lampu iduik yo rami urang maliek

Makin manggilo si nenek
Sampai kurisi nyo angkek
Kiro nyo cari giginyo nan talompek

[kembali ke atas]

(Ciptaan Zulkarnaen, Dipopulerkan oleh Melati)
©ourtesy of https://laguminanglamo.wordpress.com/

Cubo Mamujuak

Ondeh upiak, yo upiak rambahlah paku
Tumbuah di lereng, di lereng yo pandakian
Ondeh upiak, manga jo kau dek tagak di situ
Ndeh sajak cako, sajak cako kau den nantikan

A jo lai nan kau manuangkan
A jo lai nan kau pikiakan
Sagoni pitih den asiangkan
Apo kandak kau den balikan

Urang Sanjai, Rang Sanjai manjua karupuak
Lah takato sampai ka ujuang nagari
Ondeh anti lamak, hati lah cubo mamujuak
Kanalah untuang, kanalah untuang badan diri

Kok manutua si rumpun salak
Jan kanai si bungo paik
Elok ambua-i lah sayak
Patungkek sajo lah panjaik

Rami lah Pasa Bukiktinggi
Rami manjalang pukua limo
Orok sopan denai abihi
Talarang bana di agamo

Maco banamo maco aji
Dimakan jo samba lado
Kok yo lai mandanga kaji
Sarawa sampik abihi pulo

(Ciptaan Zulkarnaen, Dipopulerkan oleh Melati dan Zulkarnaen)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 265 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,668,008 orang

%d bloggers like this: