Karam di Lauik Cinto

Lah hanyuik hati denai ko di lauik cinto …
Iyo dek ulah biduak kasiah den nan tirih …
Yo galombang datang maampeh, mahampeh juo …
Yo angin jo topan nan datang, datang malendo …

Karam lah jadinyo, lah karam di lauik cinto
Hati nan jo jantuang lah hanyuik nan dibaoknyo …
Karam lah jadinyo, lah karam di lauik cinto
Hati nan jo jantuang lah hanyuik nan dibaoknyo …

Biduak kasiah denai pacah, lah pacah duo
Oi badan tarapuang di lauik sadang manggilo
Kamano kok badan kini ko yo ka manggapai
Alamaik badan denai kini ka jatuah sansai

Karam lah jadinyo, lah karam di lauik cinto
Hati nan jo jantuang lah hanyuik nan dibaoknyo …
Karam lah jadinyo, lah karam di lauik cinto
Hati nan jo jantuang lah hanyuik nan dibaoknyo …

(Ciptaan Syahrul Tarun Yusuf, Dipopulerkan oleh Tiar Ramon, 1970an)
©ourtesy of http://laguminanglamo.wordpress.com/

Caraikan Denai

Tabiang malereang bukannyo tabiang … (bukannyo tabiang)
Tabiang labuhan dek kapa tabang -2x
Tuan manggendeang sabana santiang … (sabana santiang)
Takicuih denai mungko balakang – 2x

Mangaku bujang jo angku kadi
Kironyo anak tuan sapuluah kali limo
Anak jo cucu sapangkek bini
Kironyo kini tuan babini baru pulo

Salah rang tuo harok dek kayo
Dapek sumando … rang gaek lah babini limo
Denai dimabuak jo parangainyo

Tinggakan denai, caraikan denai
Alun lah denai … mularaik hiduik ka sansai
Denai ndak takuik yo ka marando
Alah mandapek mangkonyo sansai

(Ciptaan Syahrul Tarun Yusuf, Dipopulerkan oleh Elly Kasim)
©ourtesy of http://laguminanglamo.wordpress.com/

Cah Sarak Cah Suruik

Cah sarak, cah suruik
Lalok di lapiak tabariang surang
Kasua nan taba takana juo …

Kini sarak, bisuak rujuak
Uda lah pai tingga den surang
Oi nan batambah anak den juo …

Reff:

Sansai …, nan den makan oh nasi juo, diak oi …
Padiah …, kok den turuikkan hati den surang, da oi …
Tolong …, kok den suruik tarimo juo, diak oi …
Sadiah …, ondeh sayang capeklah pulang, da oi …

Cah sarak, cah suruik
Tarumuak denai baibo hati
Takana maso bakasiah sayang …

Habih cakak, parang muluik
Kisah nan lamo kito lupokan
Sasudah sarak babaliak rujuak

(Ciptaan Syahrul Tarun Yusuf, Dipopulerkan oleh Elly Kasim & Tiar Ramon)
©ourtesy of http://laguminanglamo.wordpress.com/

Minang di Rantau

Dangalah … alah den danga Minang Maimbau
Ratok jo tangih manyasak rindu yo dek taragak
Lai denai nak pulang, ndak ado dayo …

Antahlah … baa kok kini urang di kampuang
Raso den danga baibo hati mandeh maimbau
Sansai apo ka dayo denai di rantau

Reff:

Oh Minangkabau nan denai cinto
Tolong caliakkan mandeh kanduang den
Jikok nyo denai talambek tibo (yo lah sansai)
Di Tangan Tuhan habih untuang den (yo rang rantau)

Basuo juo … kito di Ranah Minang
Basuo juo … kito di Ranah Minang

(Ciptaan Syahrul Tarun Yusuf, Dipopulerkan oleh Elly Kasim)
©ourtesy of http://laguminanglamo.wordpress.com/

Pakiah Geleang

Dahulunyo (ondeh) di Pasa Teleang
Iyo takaba si Pakiah Geleang
Jikok banyanyi nyo manggeleang-geleang
Mangko namonyo Sidi si Pakiah Geleang

Hari Rabaa (ondeh) jo hari Satu
Di janjang ampek puluah pakiah balagu
Mancari makan untuak anak jo cucu
Urang mancaliak (sanak) rami di situ

Reff:

Matonyo buto (ondeh) hatinyo tarang
Jo kucapi pakiah lah badendang
Pantun jo lagu manyuruah urang
Sakali jangan (sanak) tingga sumbayang

Sajak nyo pasa (ondeh) habih tapanggang
Si Pakiah Geleang kini lah hilang
Namun lagunyo dikana urang
Itu kisahnyo (sanak) si Pakiah Geleang

(Ciptaan Syahrul Tarun Yusuf, Dipopulerkan oleh Elly Kasim)
©ourtesy of http://laguminanglamo.wordpress.com/

Tapuak Ambai Ambai

Tapuak ambai ambai
Kumayan ruku-ruku
Batapuak adiak uni pandai
Diupah saboto susu

Aia susu lamak manih
Bak santan karambia mudo
Adiak uni usah panangih
Urang panangih lakeh tuo

Reff:

Kok rancak adiak uni juo
Kok semok adiak uni juo
Kok pendek adiak uni juo
Kok gadang sia nan punyo

Adiak kanduang lalok babuai
Kok bobok piciangkan mato
Jikok dapek jodoh sasuai
Mandeh kanduang dikana juo

(Ciptaan Syahrul Tarun Yusuf, Dipopulerkan oleh Lily Syarief 1960 dan Lime Stone, 1975)
©ourtesy of http://laguminanglamo.wordpress.com/

Ranah Balingka

Ranah Balingka …, dilingkuang bukik Gunuang Singgalang
Di Batu Tagak …, pai ka Gaduang nan naiak oto
Indak den sasa …, bia basakik di rantau urang
Badan ka pulang …, pado di kampuang baputiah mato

Oo sansai …, tadanga saluang sayuik maimbau
Ibolah hati …, mangana untuang manimpo diri
Oo sansai …, acok tamanuang denai di rantau
Ibolah hati …, tabayang kampuang nan ditangisi

Tinggalah kampuang …, jorong nan tigo Ranah Balingka
Jorong Pahambatan …, Koto Hilalang nan jo Subarang
Oi mandeh kanduang …, pintak jo pinto tolong jo do’a
Salamaik badan …, salamaik badan babaliak pulang

[kembali ke atas]

(Ciptaan Syahrul Tarun Yusuf, Dipopulerkan oleh Waty Yusuf)
©ourtesy of http://laguminanglamo.wordpress.com/

Kudo Janggo

Bukan kudo sumbarang kudo
Kudo janggo pamenan Gindo
Indak cilako labiah sansaro
Malang nasibnyo bujang marando

Reff:

Ampek jo limo kudo nan lapeh
Janggo juo kini nan manang

Bujang marando sansai lah tandeh
Tiok bacinto lapeh ka urang
Bujang marando sansai lah tandeh
Tiok bacinto lapeh ka urang

Oi janggo …
Lari lah jan sampai kalah, o janggo …

Kini ko gindo bahati sanang
Lah manang pulo janggo bapacu

Sansai lah bujang marando tagang
Lalok bakaruah co kuciang di tungku
Sansai lah bujang marando tagang
Lalok bakaruah co kuciang di tungku

Oi janggo …, larilah … – 3x

(Ciptaan Syahrul Tarun Yusuf, Dipopulerkan oleh Elly Kasim, 1969)
©ourtesy of http://laguminanglamo.wordpress.com/

Si Boleng

Ado nak urang oi licin boleng kapolonyo
Sampai ka kuduak lah dingin paluah nyo mailia
Jikok gadang, gadang ngangak ei pado ngango
Dituka urang kapalo ndeh nan jo karambia

Ondeh … dek ulah mangangak juo
Di nan tarang buyuang kok sasek
Kanai gadele tukang sulo
Gadang batimbua jo nan ketek
Badan juo yo nan sansaro

Ayam tapauik ingek kok disemba alang
Razaki alang mungkin nyo tangkok dek musang
Kok ka lai dari jauah inyo datang
Jikok ka indak dari muko lapeh ka balakang

Ondeh … si buyuang untuang lah ka mujua
Sajak bakawan tukang pangua
Tatangkok dek mancilok talua
Sinan kapalo kanai cukua
Lakek gala si boleng talua

(Ciptaan Syahrul Tarun Yusuf, Dipopulerkan oleh Elly Kasim, 1974)
©ourtesy of http://laguminanglamo.wordpress.com/

Pai Indehoy

Mandaki Jam Gadang, manurun ka Kampuang Cino
Nampak di simpang ampek di situ banyak anak mudo-mudo
Dalam sabanyak tu, ado surang nan denai cinto
Eh panek den mancari uda di siko mah kironyo

Dari jauah tadanga, siua tando kodenyo
Nampak nyo maimbau sambia malambaikan tangannyo
Kini nyo mandakek, den manakua satangah malu
Tadanga nyo mangecek bak bunyi buluah parindu

Reff:

Hari Minggu den indehoy naiak Yamaha
Ka ujuang dunia kami baduo pai malala
Baok lah denai bia sampai yo ka sarugo
Sanang rasonyo bak raso dunia kami nan punyo

La… lala lala… lala lala… lala lala…

(Ciptaan Syahrul Tarun Yusuf, Dipopulerkan oleh Elly Kasim, 1969)
©ourtesy of http://laguminanglamo.wordpress.com/