Posts Tagged 'Upik Saunang'

Buah Kasiah Sayang

Sambilan bulan sapuluah hari
Sampai malahia malabuahkan
Indak tabado dek panangguangan
Dek mandeh kanduang di diri

Kok malam batanggang lalok
Rangik sikua bahalaukan
Kok siang bacucua paluah
Paluah diracik dihampehkan
Bukanlah arok kato jo sanjuang

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

Itulah buah kasiah sayang
Upiak sayang balahan nyao
Buah hati pangarang jantuang
Dek mandeh kanduang di diri

Lalok gadih laloklah Intan
Ubek jariah palarai damam
Usah anak manangih juo
Urang panangih lambek lah gadang
Ondeh … yo kanduang ei …

Lah gadih gadang anak isuak
Dinaiakkan siriah ka junjuangan
Nak nyo baurek baaka tunggang
Bapucuak tinggi cewang ka langik
Rimbun rampak dalam nagari
Buahnyo labek ka pusako

Hutang ka mandeh indak tabaia
Baitu pulo ka ayah kanduang
Dek langik balun talansaikan
Dek bumi indak ka taansua
Baalah caro ka mambaia
Antah kok rilah … Allah sajo

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Maninjau Indah

Da kamarilah, mari kito bajalan
Naiak oto jo bendi, sarato bajalan kaki
Mandi lah mandi ka Maninjau indah
Baringinnyo lah gadang, ureknyo panjang tajuntai

Mamanjek baringin gadang
Malompek ka aia janiah
Pulanglah oi anak dagang
Di rantau badan kok jariah

Kok sampai lah cito kito
Kabau sikua ka rabah juo
Baitulah niaik kito
Imbau kawan sanak sudaro

[kembali ke atas]

(Ciptaan Masroel Mamudja, Dipopulerkan oleh Nurseha 1970-an kemudian oleh Upik Saunang 1980-an)
©ourtesy of https://laguminanglamo.wordpress.com/

Den Nanti

Lah lapeh pulo ndeh kanduang oi
Ciliang sibaban ndeh tuan oi
Lapeh ka dalam ndeh kanduang oi
Yo tanah kongsi, tanah kongsi
Lapeh ka dalam ndeh kanduang oi
Yo tanah kongsi …

Talambek bana yo mamak oi
Yo indak baa ndeh tuan oi
Dima etongan ndeh mamak oi
Yo ka manjadi, ka manjadi
Dima etongan ndeh mamak oi
Yo ka manjadi …

Reff:

Pancaringek ndeh kanduang oi di tapi aia
Alah mati mangko babuah
Ingek-ingek ndeh mamak oi bujang balayia
Lautan sati rantau batuah

Rami balainyo ndeh kanduang oi
Si Banda Buek ndeh tuan oi
Rami dek anak ndeh kanduang oi
Si Padang Basi, Padang Basi
Rami dek anak ndeh kanduang oi
Si Padang Basi …

Etongan putuih ndeh mamak oi
Janji lah arek ndeh tuan oi
Kariang lauiktan ndeh mamak oi
Yo kito nanti, kito nanti
Kariang lauiktan ndeh mamak oi
Yo kito nanti …

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Gilo Bayang

Pai, pailah buyuang marantau ka tanah tapi
Usahlah babaliak sabalun dapek nan dicari
Kami nan tingga, kanalah kana jan sampai lupo
Tinggalah kami makan bakuah jo aia mato

Jo doa kami iriangi …
Salamaik pulang jo pai
Jo doa kami iriangi …
Salamaik pulang jo pai

Untuang dek buyuang lai tabangkik batang tarandam
Baliaklah lakeh, kami di kampuang lah mananti
Sanak sudaro digilo bayang siang jo malam
Anak bapisah mako marusuah di dalam hati

[kembali ke atas]

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Pinggalan Singkek

Lai den nak manjuluak
Buah … di ladang, di tanah bundo …
Lah den baok pinggalan
Untuak … pangaik, yo dari rantau …

Tapi nan buahnyo, tinggi … tinggi …, apo lah dayo
Batangnyo nan gadang, kok di tangan pinggalan singkek …
Tapi nan buahnyo, tinggi … tinggi …, apo lah dayo
Batangnyo nan gadang, kok di tangan pinggalan singkek …

Reff:

Usah salahkan denai
Jikok … den kaik buah di rantau …
Bia pinggalan singkek
Di rantau batangnyo indak lah tinggi

Mandeh oh mandeh den, usah …, usah … salahkan denai
Urang di kampuang, ondeh mandeh pamiliah bana
Mandeh oh mandeh den, usah …, usah … salahkan denai
Urang di kampuang, ondeh mandeh pamiliah bana

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Ulah Sapucuak Surek

Sadang manyasah den di tapian
Mandeh kanduang tibo balari
Mangabakan surek dari tuan
Tasirok jantuang batanyo hati

Tujuah ratuih carikan ubek
Jikok indak badan binaso
Ulah dek tibo sapucuak surek
Jatuah badarai si aia mato

Janji nan arek tuan kok lupo
Baungkaikan cincin nan di jari manih

Pasan denai yo ka tuan
Usah diulang ka gadih lain
Jikok den kana maso nan lalu
Indak den sangko tuan bak nangko

Pasan denai yo ka tuan
Usah diulang ka gadih lain
Jikok den kana maso nan lalu
Indak den sangko tuan bak nangko

[kembali ke atas]

(Ciptaan Masroel Mamudja, Dipopulerkan oleh Upik Saunang)
©ourtesy of https://laguminanglamo.wordpress.com/

Kalingkiang Bakaik

Putuih bauleh banang den sambuang
Untuak panjaik yo kain saruang
Bukan mangadu ka mandeh kanduang
Nasib di badan ndak baruntuang – 2x

Rasah lah hiduik di dalam kampuang
Duduak nan salah tagak pun bedo
Bakato hati sadang basaluang – 2x
Dagang baranjak jo hati ibo – 2x

Talunjuak luruih kalingkiang bakaik, ndeh …
Ulah pinjaik di dalam karuang, di dalam karuang
Bajuluak usah nambek dikaik – 2x
Binalu hiduik ndak baruntuang – 2x

Bacarikan titian barakuak
Lantai tajungkek nan patah tigo
Tunjuak ka urang banyak nan buruak – 2x
Badan taransam lah taniayo – 2x

(Ciptaan Masroel Mamudja, Dipopulerkan oleh Upik Saunang 1984)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 267 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,796,419 orang

%d bloggers like this: