Archive for August, 2010

Batang Hari

Oi nan ka lauik lai pai mandi
Ondeh lah tuan oi nan pai mandi
Oi nan ka darek ondeh lah tuan oi mambaok ikan
Ondeh lah tuan oi mambaok ikan

Kok indak takuik denai ka mati
Ondeh lah tuan denai ka mati
Den balah hati ondeh lah tuan oi nan den kirimkan
Ondeh lah tuan oi nan den kirimkan

Oi nan samalam di Sawahlunto
Ondeh lak adiak oi di Sawahlunto
Oi limau manih ondeh lah adiak oi bapaga duri
Ondeh lah adiak oi bapaga duri

Bulan jo bintang bamain mato
Ondeh lah adiak oi bamain mato
Kasiah digungguang ondeh lah adiak oi dek matohari
Ondeh lah adiak oi dek matohari

Si Batang Hari namo lagunyo
Kami banyanyi basamo samo
Selanjutnya …

Saluang Gubalo

Tadanga lah saluang, nan di ateh bukik
Ditingkah dek bunyi pupuik si batang padi
Baitulah lagu si anak gubalo
Dek panek bagubalo (ho hoi) sapanjang hari

Cando tu bana anak gubalo
Tampek nyo jauah, tasisiah tapancia …

Reff:

Gubalo kabau di tangah padang
Ndak tahu jo hari nan alah patang …

Kok hari lah sanjo, babaliak ka dangau
Manuruik sanak sudaro tampek bagurau
Manuruik sanak sudaro tampek bagurau

(Ciptaan (?), Dipopulerkan oleh Elly Kasim & Lily Marlene)
©ourtesy of https://laguminanglamo.wordpress.com/

Cucu Inyiak

Ondeh upiak cucu inyiak, oi sayang sia
Sayang inyiak oi sayang ayah jo bundo
Jikok gadang upiak ka jadi sia
Tamaik sikolah yo denai ka jadi doto

Reff:

Pinto inyiak oi upiak jikok lai dapek
Lah jadi doto jan lupo mambaleh guno
Tolong ubek nan lamah manjadi kuek
Inyiak kok dapek babaliak mudo

Heboh dunia jikok gaek babaliak bujang
Lah bapacu barabuik tuo jo mudo
Dek pangalaman tantu inyiak nan manang
Sansai lah banyak nak bujang malapeh hao

Ondeh …
Kanalah di ateh dunia
Yo hiduik untuak basamo

(Ciptaan (?), Dipopulerkan oleh Lily Marlene dan Nuskan Syarief kemudian oleh Tiar Ramon dan Fetty)
©ourtesy of https://laguminanglamo.wordpress.com/

Bapisah di Kemayoran

Mandaruih bunyinyo kapa tabang
Raso nyo jujuik jantuang di dado
Di siko denai mangko tagamang
Kasiah bacarai dalam bacinto

Den tahan tangih dalam sadu
Dek harok pisah lai ka batamu

Kasiah bapisah di Kemayoran
Di siko pulo uda den nantikan

[Narasi]
Adiak kanduang balahan nyao
Usah denai dinanti juo
Nasib janjian di tangan Tuhan
Di akhiraik sayang uda nantikan

Indak den sangko co iko jadinyo
Bapisah nan indak ka basuo

Kini den pandang awan bararak
Uda tabayang, tangih taisak …

(Ciptaan (?), Dipopulerkan oleh Elly Kasim dan Yan Bastian)
©ourtesy of https://laguminanglamo.wordpress.com/

Batang Tabik

Hari Minggu kini lah tibo
Kama dilapeh rangkik-rangkik
Oi Uda marilah kito
Pai ka Batang Tabik

Reff:

Batang Tabik tampeknyo jauah
Adiak panek bajalan kaki
Tumpang oto ka Payokumbuah
Taruih naik bendi

Mari kito diak bakacimpuang
Batang Tabik aianyo janiah
Paruik litak nasi disantuang
Ikan kito piliah

Hari Minggu ka Batang Tabik
Pulang mandi pasa di jalan
Batiah, kalamai, kue wajik
Kito baok pulang

(Ciptaan (?), Dipopulerkan oleh Elly Kasim dan Yan Bastian)
©ourtesy of https://laguminanglamo.wordpress.com/

Sarawa Cutbray

Babagai bagai macamnyo mode rang kini
Potongan baju saroman laki padusi
Takicuah kito maliek dari balakang
Jantan batino yo samo barambuik panjang

Tasabuik kini modenyo sarawa cutbray
Kateh nyo sampik ka bawah gadang malepai
Tibo nan pendek mamakai baru lah sansai
Cutbray bagala sarawa panyapu lantai

Alah ka nasib manimpo nak mudo-mudo
Ulah dek mode tagiah gilo pado kayo

Abak jo amak lah sato pulo mamakai
Tibo di paruik ndak lakek nyo tagurajai
Bara ka kaceh maliek amai jo biai
Tuo jo mudo barabuik mamakai cutbray

Jatuah pangana apoko tando ibaraik
Antah kok dunia kini lah ka kiamaik

(Ciptaan (?), Dipopulerkan oleh Elly Kasim)
©ourtesy of https://laguminanglamo.wordpress.com/

Cik Umpang

Cik umpang, cik umpang
Cik umpang kalalatu
Gigi umpang, gigi umpang
Gigi umpang dipanjek antu

Padi disabik dibaok pulang
Sudah manyabik pulang lah dibondong
Anduang manangih giginyo ilang
Angku tagalak giginyo ompong

Cik umpang, cik umpang
Cik umpang galigato
Anduang umpang, anduang umpang
Gigi anduang tingga duo

Anduang berang angku tagalak
Anduang maambiak kayu palakak
Kanai tokok angku nan botak
Kapalo angku kini lah bangkak

Cik umpang, cik umpang
Cik umpang di Taratak
Anduang berang, anduang berang
Sampai anduang mamintak sarak

Anduang berang angku tagalak
Anduang maambiak kayu palakak
Kanai tokok angku nan botak
Kapalo angku kini lah ratak

(Ciptaan Nuskan Syarief, Dipopulerkan oleh Nuskan Syarief)
©ourtesy of https://laguminanglamo.wordpress.com/


Translate to

Masukkan email anda pada kotak di bawah dan klik button 'Berlangganan'. Anda akan dikirimi email untuk setiap lirik lagu yang baru tayang

Join 262 other followers

badendang™

Dari Masa ke Masa


Lokasi Pengunjung

MARAWA

Dikunjungi

  • 6,449,040 orang

%d bloggers like this: