Dendang Pasaman (Tiar Ramon) – Kabupaten Pasaman
Oi Pasaman gunuangnyo tinggi – 2x
Nan di Panti kuburan duo – 2x
Cando bulan tagantuang tinggi – 2x
Kok dinanti bilo jatuahnyo – 2x
Marilah kito banyanyi
Oi banyanyi basamo-samo
#
Simpang Ampek (Elly Kasim) – Kabupaten Pasaman Barat
Simpang Ampek, Sukomananti – 2x
Padang Tujuah yo nak ka Pinaga – 2x
Ilalah tolong patenggangkan
Kok dakek namuah nak pai – 2x
Baa pulo hati rang nan tingga – 2x
Ilalah tolong patenggangkan
#
Kelok Sambilan (Elly Kasim) – Kota Payakumbuh dan Kabupaten Limapuluh Kota
Mandaki jalan ka Payokumbuah
Baranti tantang Kelok Sambilan
Ondeh baranti tantang Kelok Sambilan
Dimalah badan indak ka rusuah
Sadang basayang Tuan bajalan
Ondeh sadang basayang Tuan bajalan
Ondeh baa lah ko kaba
Baa lah ko kaba, kini rang mudo yo
#
Kampar Basiang (Ajis Sutan Sati) – Kabupaten Kampar
Barangkek oto dari Bangkinang
Singgah sabanta di Rumbio
Singgah sabanta di Rumbio
Nan baa den ko lai sembai ei …
Tuan kanduang tadanga sanang
Baoklah tompang badan ambo
Baoklah tompang badan ambo
Nan baa den ko lai sembai ei …
#
Sinar Riau (Elly Kasim) – Kota Pekanbaru
Oto banamo lah Sinar Riau
Baliak manambang (cu deyen) nan dari Pakan
Naiak palayangan (cu deyen) Danau Bingkuang
Taragak mandeh jo urang rantau
Ka pintu tangih yo tuan bakaluakan
Sabalah mandeh badan denai lai ka pulang
Ondeh dangalah Sinar Riau di pandakian
Rabab tolong sampaikan
#
Taluak Rengat (Ajis Sutan Sati) – Kabupaten Kuantan Singingi
Anak urang Taluak Kuantan diak
Handak manjalang lah Pasa Benai – 2x
Lah patuik mabuak lah paratian diak
Jarek dirantang lah tak manganai – 2x
Lapeh nan dari lah Pasa Benai diak
Handak manjalang lah ka Pangian – 2x
Jarek dirantang tak nyo kanai diak
Badan lah panek lah maunikan – 2x
#
Andam Oi (Elly Kasim) – Kota Bukittinggi
Bukiktinggi koto rang Agam yo andam oi
Mandaki janjang ampek puluah
Babelok jalan ka Malalak -2x
Sakik sagadang bijo bayam yo andam oi
Sakik bak raso ka mambunuah
Di ubek indak namuah cegak -2x
Andam oi andam, andam oi andam, oi andam oi
Andam oi andam, andam oi andam, oi andam oi
#
Kelok 44 (Elly Kasim) – Kabupaten Agam
Di kelok ampek puluah ampek
Denai bamulo barangkek
Tinggalah kampuang sanak sudaro
Denai barangkek ka tanah Jao
Tinggalah kelok ampek puluah ampek
Tinggalah kelok ampek puluah ampek
#
Badindin (Tiar Ramon) – Kabupaten Padang Pariaman
Ikolah indang oi Sungai Garinggiang
Kami tarikan basamo samo
Sambuiklah salam oi sambah mairiang
Pado dunsanak alek nan tibo
Bamulo indang ka ditarikan
Salam bajawek (ondeh) ganti baganti
Lagu lah indang kami nyanyikan
Supayo sanak (ondeh) basuko hati
Dindin badindin oi dindin badindin
Dindin badindin oi dindin badindin
#
Pariaman (Dendang Kim) – Kota Pariaman
Pariaman tadanga langang
Batabuik mangkonyo rami
Dunsanak tadanga sanang
Baok tompang badan kami
Ka ladang balilah sanduak
Dibali rang mudo-mudo
Digoyang mangko dikaruak
Dicaliak apo nan tibo, batanang manjago, sansai den, malang den
#
Oto Apede (Yus Kinantan) – Kota Padang Panjang
Oto Apede yo Mamak, oto Ngku Datuak kanduang ei
Singgah sabanta yo Mamak, di Padang Panjang
Sungguahnyo kawek yo Mamak, nan kami bantuak kanduang ei
Ikan di lauik yo Mamak, nan kami hadang
Sungguah lah kawek (yo kawek) nan kami bantuak
Ikan di lauik (yo hadang) nan kami hadang
#
Cindua Mato Bundo Kanduang (Lily Marlene) – Kabupaten Tanah Datar
Pagaruyuang di Batusangka
Di sinan Bundo Kanduang
Rajo Kuaso di Ranah Minang
Rajo adia rajo disambah
Tagak bakcando payuang
Payuang gadang Nagari Minang
Limo Kaum, Limo Kaum di Batusangka …
Singgah mambali limau puruik – 2x
Cindua Mato, Cindua Mato urang pandeka …
Pandai manyipak madok suruik – 2x
#
Bareh Solok (Ernie Djohan) – Kota Solok dan Kabupaten Solok
Bareh Solok tanak didandang
Dipagatok ulam pario
Bunyi kulek cando badendang
Dek ditingkah (hmm) si samba lado
Urang Sumpu jalan barampek
Di Singkarak singgah dahulu
Bareh baru makan jo pangek
Indak nampak (hmm) mintuo lalu
Bareh Solok bareh tanamo
Bareh Solok lamak rasonyo
#
Sawahlunto (Elly Kasim) – Kota Sawahlunto
Sawah lah Lunto … bapaga bukik
Bapaga bukik
Bukik lah bapaga si batu baro
Si batu lah baro, si batu lah baro …
Dalam sansaro … manangguang sakik
Manangguang sakik
Sakik lah ndak ado ka paubeknyo
Ka paubeknyo, ka paubeknyo …
#
Lansek Manih (Elly Kasim) – Kabupaten Sijunjung
Nan ampek dibalah ampek, nan limo bilangan jari
Nan ampek dibalah ampek, nan limo bilangan jari
Ko bukan sumbarang lansek, Sijunjuang lanseknyo manih
Ko bukan sumbarang lansek, Sijunjuang lanseknyo manih
Iko tukuak, iko tambah, paragiahnyo perai sajo
Iko tukuak, iko tambah, paragiahnyo perai sajo
#
Tanti Batanti (Ajis Sutan Sati) – Kabupaten Dharmasraya
Anak rajo di Pulau Punjuang – 2x
Balahan rajo dari Jambi
Asanyo rajo kaduonyo – 2x
Bakeh adiak kasiah tatuntuang – 2x
Usah baniaik manukai
Mularaik apo kagunonyo – 2x
#
Mudiak Batang Hari (Zulkarnain, Ajis Sutan Sati) – Kabupaten Solok Selatan
Sungai lah Pagu (ondeh tuan oi) Aia Batumbuak …
Sasimpang jalan (ondeh tuan oi) lah nan ka Abai
Ondeh tuan oi lah nan ka Abai …
Angan lalu (ondeh tuan oi) paham tatumbuak …
Dimano kusuik (ondeh tuan oi) nan ka salasai
Ondeh tuan oi nan ka salasai …
#
Pantai Padang (Elly Kasim) – Kota Padang
Badabua dabua ombak, mahampeh tapian Padang
Jikok ombak nak suruik, tadanga bisiak pasianyo
Ombak baguluang manyentak
Tali jantuang den …
Manga kok kini kito basuo
Kini denai tangguangkan
Ampehan ombak Padang
Kok malam denai ranuangkan
Manga kok batanggang
#
Langkisau (Elly Kasim) – Kabupaten Pesisir Selatan
Ndeh, oh Langkisau lah bukik Painan
Batampek mandi Pincuran Madam
Elok karantau kito bajalan
Kok lai tabangkik batang tarandam
Langkisau bukik Langkisau
Tanang aia di talao
Tangiang kampuang maimbau
Taganang si aia mato
#
Ratok Gadih Basanai (Elly Kasim) – Kabupaten Kepulauan Mentawai
Nan dimukasuik indak ka sampai
Raso ka putuih badan jo nyao
Guruah patuih ndeh panubo limbek
Pandan tasanda mak nan di subarang
Tujuah ratuih ndeh carikan ubek
Badan batamu mak mangkonyo sanang
Tujuah ratuih ndeh carikan ubek
Badan batamu mak mangkonyo sanang
Sadang manga ko … urang di Pagai …
Sadang makan mintuo … karambia mudo …, ndeh …
#
Pulau Telo (Yan Juned) – Kabupaten Nias Selatan
Di Pulau Telo antaro sanjo hari
Jo kapa tundo balabuah di tapian
Mancari pitih manjadi nelayan … (sayang)
Dek lanteh angan paneh jo hujan
Anak barampek nan diagiah makan … (sayang)
Kok badai tibo bado’a ka Tuhan
Salamaikkan kami di tangah lautan …
#
Lirik Lagu Minang Lamo 