Palai Rinuak

Palai rinuak … samba Rang Maninjau
Lamak bana … iyo kok rasonyo
Bia tarumuak badan di rantau
Rinuak di kampuang takana juo …
Bia tarumuak badan di rantau
Rinuak di kampuang takana juo …

Din dari din dindin dara chacha, lamak rasonyo …
Din dari din dindin dara chacha, lamak rasonyo …

Palai rinuak … asamnyo durian
Badaha sala … hitam lah ruponyo
Bia tarumuak sansaro badan
Kampuang nan jauah takana juo …
Bia tarumuak sansaro badan
Kampuang nan jauah takana juo …

Din dari din dindin dara chacha, lamak rasonyo …
Din dari din dindin dara chacha, lamak rasonyo …

Ondeh … iyo … bana …

(Ciptaan (?), Dipopulerkan oleh Elly Kasim, 1960an)
©ourtesy of http://laguminanglamo.wordpress.com/

Indang Aia Bangih

[Versi Elly Kasim]

Aia Bangih karang marusuak, karang marusuak – 2x
Urang Tiagan balayia malam – 2x
Hati bangih dapek dipujuak, dapek dipujuak – 2x
Sadu jo sadan ramuak di dalam – 2x

Lah balayia biduak Rang Masang, biduak Rang Masang – 2x
Sarek bamuek jo rotan sago – 2x
Tak ka sia tampek batenggang, tampek batenggang – 2x
Badan nan malang manyeso sajo – 2x

Mudiak biduak Urang Labuhan, Urang Labuhan – 2x
Mambaok dandang ka Aia Bangih – 2x
Kok dikana untuangnyo badan, untuangnyo badan – 2x
Siang jo malam babuah tangih – 2x

Caraikan Denai

Tabiang malereang bukannyo tabiang … (bukannyo tabiang)
Tabiang labuhan dek kapa tabang -2x
Tuan manggendeang sabana santiang … (sabana santiang)
Takicuih denai mungko balakang – 2x

Mangaku bujang jo angku kadi
Kironyo anak tuan sapuluah kali limo
Anak jo cucu sapangkek bini
Kironyo kini tuan babini baru pulo

Salah rang tuo harok dek kayo
Dapek sumando … rang gaek lah babini limo
Denai dimabuak jo parangainyo

Tinggakan denai, caraikan denai
Alun lah denai … mularaik hiduik ka sansai
Denai ndak takuik yo ka marando
Alah mandapek mangkonyo sansai

(Ciptaan Syahrul Tarun Yusuf, Dipopulerkan oleh Elly Kasim)
©ourtesy of http://laguminanglamo.wordpress.com/

Takana di Bukiktinggi

Denai takana di Bukiktinggi
Maso banyanyi kito badendang
Yo maikek janji cinto kito baduo

Denai takana jo Bukiktinggi
Gunuang Marapi, Gunuang Singgalang
Jo Ngarai Sianok manjadi saksi cinto

Reff:

Rancak candonyo malam kok tibo
Nampak Jam Gadang babatang rabuang

Pandang dek uda bulan nan tarang
Sapantun batu di malam hari
Dima lah bulan jauah lah bintang
Kami baduo mamadu janji

(Ciptaan (?), Dipopulerkan oleh Elly Kasim dan Anas Yusuf)
©ourtesy of http://laguminanglamo.wordpress.com/

Santuang Palalai

Yo takaba … ndeh kanduang si Bujang Gindo
Lamo di rantau … ndeh mamak mancari pitih
Tacelak kini, bantuak si bujang
Lah banyak gadih nan manggilonyo …

Tapi bujang nan baralek di kampuang
Mukasuik hati yo nak mampasuntiang
Gadih di kampuang halamannyo

Tapi gadih hai nan dicintonyo
Alah ado pulo urang nan punyo
Dapek lah bujang panyakik santuang palalai

Santuang palalai …
Santuang palalai …
Santuang palalai …

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/

Hobi Laki Den

Hati den sajak dahulu lah manggarutu dek ndak satuju
Laki den kok hari Minggu inyo mancandu pai baburu
Dek wajib tando balaki, den masak kopi mambungkuih nasi
Lah nasib den punyo laki, baburu babi inyo nan hobi

Reff:

Kok ota mahajan puah, anjiang nyo nan dareh (ondeh mak)
Nyo tuka jo tigo buah wang ringgik ameh (ondeh mak)
Dek hobi baburu babi bialah nak pueh (ondeh mak)
Di denai yo nan paralu, tinggakan pitih pambali bareh

Anaknyo haram sakali satahun kok nyo mamandikan
Anjiangnyo mandinyo jo sabun harum gubalo jo pamenannyo
Manapuak aia di dulang rumah tanggo den juo manangguangkan
Kok buruak, salamo dunia takambang inyo kan laki den juo

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/

Ratok Gadih Basanai

Ondeh mintuo …, japuikkan juo …
Uda den cinto … oh mintuo …
Ondeh …

Reff:

Nan dimukasuik indak ka sampai
Raso ka putuih badan jo nyao

Guruah patuih ndeh panubo limbek
Pandan tasanda mak nan di subarang
Tujuah ratuih ndeh carikan ubek
Badan batamu mak mangkonyo sanang
Tujuah ratuih ndeh carikan ubek
Badan batamu mak mangkonyo sanang

Sadang manga ko … urang di Pagai …
Sadang makan mintuo … karambia mudo …, ndeh …

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/

Ka Jadi Apo

Santi sayang, jikok gadang ka jadi apo?
Jadi bidan, jadi SH, ka jadi doto?
Indak jauah aia jatuah dari cucuran
Ayah koncek tantu anak jadi garundang

Oi bijak, manjawek iyo sabana bijak
Rang gaek Santi oi, jan dipagarahkan
Nak sayang oi upiak urang ka bakeh awak
Nan bana kato nan ka dikatokan

Santi sayang, jikok gadang ka jadi apo?
Jadi bidan, jadi doto, tasarah bundo
Nan paralu jadi anak mambaleh guno
Nan ka jadi bagai duo ampek kakinyo

Oi bijak, manjawek iyo sabana bijak
Rang gaek Santi oi, jan dipagarahkan
Nak sayang oi upiak urang ka bakeh awak
Nan bana kato nan ka dikatokan

Nan paralu jadi anak mambaleh guno
Nan ka jadi bagai duo ampek kakinyo – 3x

(Ciptaan (?), Dipopulerkan oleh Santi Nuskan, Elly Kasim dan Yan Bastian)
©ourtesy of http://laguminanglamo.wordpress.com/

Latak Sarugo

Adiak kanduang kamari lah sayang
Dangakanlah nasihaik uni
Adiak kanduang kok nantik lah gadang
Pandai sikola jo mangaji

Dari ketek elok lah dicubo
Alah gadang jadi biaso
Dari ketek taaik ka agamo
Salamaik sampai ka sarugo

Reff:

Dantuang dantang babunyi tabuah
Sumbayang limo ukatu
Baibadaik basungguah-sungguah
Sikola tuntuik ilimu

Di agamo tagah jo suruah
Piliah di adiak nan katuju
Sarugo di iman taguah
Kok narako di tingkah laku

Jan durako adiak ka nan tuo
Salah kito malawan mandeh
Kok nak tau lataknyo sarugo
Di bawah tapak kaki mandeh

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/

Gigi Palasu

Sanang lah gaek bagigi baru
Cayo bakilek ameh jo perak
Bia lah batuka jo nan palasu
Gaek pangamek kalau lah galak
Yo nan tampak giginyo baroyak-royak

Siang nyo buek jadi pamenan
Malam nyo simpan di bawah kasua

Reff:

Girangnyo hati ndak takatokan
Mandi pagi gaek bahati mujua
Nyo manggosok giginyo sambia basiua

Rami lah urang baralek gadang
Gaek manyantuang sado nan tampak
Elo jo jujuik gulai jo tunjang
Dandang malawan urang basorak
Nyo tapakiak (ondeh mak) giginyo tacampak

(Ciptaan (?), Dipopulerkan oleh Elly Kasim)
©ourtesy of http://laguminanglamo.wordpress.com/