Indang Tigo Jerong

Lah duo jerong ndeh indang batuka tampek (o kanduang)
Cukuik katigo yo hari lah laruik malam – 2x
Lah duo tigo yo lagu dendang hikayaik (o kanduang)
Sakali nangko oi sanak balain ragam – 2x

Ampun jo maaf oi kanduang nan kami pintakllgminlamo.wpc
Kami baindang oi kanduang basamo gadang

Dendang jo lagu dibaok dek tukang dikia (o kanduang)
Tingkah rapa’i dituka dek tukang aliah – 2x
Sungguahpun bayang yo mamak buliah bapikia (o kanduang)
Kato nan bana supakaik dicari buliah – 2x

Ampun jo maaf oi kanduang nan kami pintak
Kami baindang oi kanduang basamo gadang

Pinang sinawa yo mamak si lacak panuah (ei kanduang)
Ditimpo pinang oi kawan si lacak isi – 2x
Hilang di bana yo mamak kami tak namuah (oi kanduang)
Mupakaik juo yo sanak nan manyudahi – 2x

Ampun jo maaf oi kanduang nan kami pintak
Kami baindang oi kanduang basamo gadangllgminlamo.wpc

Aluih bakilek yo mamak pisau sirauik (o kanduang)
Pambalah palo oi kawan si buah palo – 2x
Aluih takilek yo mamak ikan di lauik (yo kanduang)
Di ambo tantu oi jantan jo batinonyo – 2x

Ampun jo maaf oi kanduang nan kami pintak
Kami baindang oi kanduang basamo gadang
Ampun jo maaf oi kanduang nan kami pintak
Kami baindang oi kanduang basamo gadangllgminlamo.wpc

(Ciptaan Tiar Ramon, Dipopulerkan oleh Tiar Ramon, 1970an)
©ourtesy of https://laguminanglamo.wordpress.com/